Osylaısha 22 jeltoqsanda TeleBingo-nyń tuńǵysh qatysýshylary alǵashqy syılyqtardy oınatty. Eń joly bolǵysh adamdy tabý úshin shoý júrgizýshileri oıynshylarǵa baq synaıtyn túrli saıystardan ótýdi usyndy. Mysaly, qatysýshylarǵa shıki jáne qaınatylǵan jumyrtqalar aralastyryp salynǵan sebet usynyldy. Oıynnyń maqsaty – onyń qaısysy qaınatylǵan jumyrtqa ekenin tabý. Baq synaıtyn túrli saıystardyń nátıjesi boıynsha oıynnan shyǵyp qalǵan oıynshylar kepildi túrde aqshalaı utystar alady. Al jeńimpazdy týrıstik saıahattar, turmys tehnıkasy, elektronıka sekildi sýperjúldeler kútedi. Sonymen qatar bas júlde – avtokólikti utyp alý múmkindigi bar. Alǵashqy oıynda osyndaı baqyt Almaty qalasynyń turǵynyna buıyrdy.
«Shynyn aıtsam men senbedim. Áli de osyndaı sándi mashına utyp alǵanyma sener emespin. Lotereıa maǵan óte jaqsy áser qaldyrdy. Bárine osyndaı lotereıalarǵa qatysýǵa keńes beremin. Utysqa jetý – múmkin nárse ekenine ózimniń kózim jetti», dep óz áserimen bólisti Marına Bıbık. Jeńimpazdyń sózi boıynsha bul onyń lotereıadaǵy eń alǵashqy iri sáttiligi. «Buryn lezdik lotereıalar satyp alyp, myń teńge ǵana utatynmyn. Odan aspaıdy. Mundaı oıyndarda asa jolym bolǵan emes. Osyndaı sáttilik alǵash ret bolyp tur. Men kelesi oıyn qashan bolatynyn, bıletti qaıdan satyp alatynyn bilý úshin saıtqa kirip, kezdeısoq qosymsha oıyndy oınap kórýge bolatynyn bildim. Sonda birden «Nege oınap kórmeske?» dep oıladym. Jańa jyldyń aldynda ózime meıram uıymdastyrǵym keldi. Saıtqa tirkelip, sodan soń umytyp kettim. Bir aptadan keıin maǵan telefon shalyp, irikteýden ótkenimdi habarlady», dep eske túsiredi Marına. Oǵan qosa «júrgizýshi kýáligi bar, al kóliktiń ózi joq» bolǵandyqtan oǵan kóliktiń tap ózi kerek ekendigin aıtty. Al utyp alǵan avtokólik ózine Jańa jylǵa arnalǵan úlken syılyǵy bolmaq.
Sonymen qatar Taraz qalasynyń turǵyny da ózine jańajyldyq syılyq jasady. Ol Bingo-dan 1 000 000 teńge utyp alyp, mıllıoner atandy. Bılet Qarataý shaǵynaýdanynda satyp alynǵan. Sársenbilik oıynnyń nátıjesi boıynsha jalpy 7428 jeńimpaz anyqtaldy. TeleBingo lotereıasynda osy tırajdaǵy utystardyń jalpy somasy 6 997 000 teńgeni qurady. Mólsheri 6,4 mıllıon teńgeni quraıtyn SuperBingo bul oıynda oınatylmady. Sol sebepten ol kelesi oıynǵa aýystyrylady. Al kútiletin soma 12,9 mıllıon teńgeni quraıtyn bolady. TeleBingo oıynynyń ekinshi tırajynyń tikeleı kórsetilimin 29 jeltoqsanda saǵat 20:00-de «Jetinshi arna» efırinen qarańyz. Stýdııadaǵy shoýdyń qatysýshysy bolý úshin TeleBingo mátini jazylǵan SMS-ti 5290 nómirine jiberip, tirkeýden jáne kezdeısoq irikteýden ótý qajet. Jyldyń sońynda jeńimpazdardyń arasyndaǵy eń joly bolǵysh adam arnaıy sýperjúldeni ıemdenedi.
