The Lincolnite-tiń basqarýshy redaktory Denıel Ioneský BBC bastamasy arqyly eki tilshini qyzmetke aldy.
Taıaýda ol jergilikti bıliktiń medıa uıymdarǵa kómektesý bastamasy aıasynda qaıta oraldy. Ol Sheffıld qalasy máslıhatynda sondaǵy áıel spıkerdiń ózderine kórsetilgen qysym jóninde aıtqanynan aqparat taratty. «Bul – kún tártibinde turǵan joq bolatyn. Sol jıynǵa tilshi qatyspasa, onda bul taqyryp talqylanbaıtyn edi», deıdi Mıss Eshton.
Jergilikti bılik týraly jańalyqty qaıta tiriltý maqsatynda Brıtanııadaǵy shaǵyn basylymdar BBC-diń lısenzııasyn satýdan túsetin paıdanyń bir bóligin ıelenedi. Bul soma – BBC-di kóretin árbir úıdiń tóleýi tıis mindetti jarnasy. Jınalǵan qarjynyń 8 mıllıon fýnt-sterlıngi (shamamen 10 mıllıon AQSh dollary) jergilikti gazetter men jańalyqtar saıtyna berilip, qosymsha tilshilerdiń aılyǵyn tóleýge jumsalady.
Brıtanııadaǵy basylymdar 144 orynǵa ótinish bere alady. Qazirge deıin 90 paıyzǵa jýyǵy toltyryldy. Buǵan deıin jýrnalıst qyzmetin atqarǵan tilshiler BBC tarapynan qosymsha trenıngten ótip, árqaısysyna eń tómengi 22 000 fýnt-sterlıng jalaqy beriledi. Bul – Brıtanııadaǵy aımaqtyq basqa medıa uıymdardyń tilshilerine qaraǵanda tómen.
Parlament múshesi, burynǵy Medıa jáne mádenıet mınıstri Mett Henkoktyń sózine qaraǵanda, mundaı baǵdarlama jergilikti bılik ókilderiniń jańalyqtaryn qamtýǵa múmkindik beredi. Onyń aıtýynsha, keıingi kezde saıasatkerler sózin jazatyn jýrnalıster azaıyp ketken. «Bálkim, shynaıy demokratııa osy ma degen saýal týyndaýy múmkin», deıdi mıster Henkok.
The Local News Partnership – jergilikti jańalyqtardy taratýdy bıznes-modelge aınaldyrýdyń úzdik mysaly. Buǵan deıin mundaı tásil múmkin emesteı kórinetin. Ásirese kommersııalyq emes uıymnan qarjy alý múldem aqylǵa syımaıtyn. Google kompanııasy bıyl jýrnalıstıkany qoldaý maqsatynda 300 mıllıon dollar qarjy bóletinin málimdedi. Facebook Brıtanııadaǵy jańa jobany qoldaý maqsatynda 6 mıllıon dollar jumsady.
BBC-diń qarjylandyrýynyń óteýi retinde gazetter basqa qyzmetkerlerdi jumystan shyǵarmaýy tıis. Sondaı-aq tilshiler jergilikti bıliktiń jańalyqtaryn qamtýy kerek. BBC jáne basqa da birqatar medıa uıymdar olardyń maqalalaryn qoldana alady. Iаǵnı, jergilikti jańalyqtardyń ortaq júıesi paıda bolady.
Áıtse de Brıtanııadaǵy jergilikti basylymdarǵa túsken qarjylyq salmaq aýyrlap keledi. Máselen, 2012-2018 jyldar aralyǵynda 136 gazet jabyldy.
Denıel Ioneský myrza Lınkolshırdi qamtıtyn jańalyqtar saıty – The Lincolnite-tiń basqarýshy redaktory. Olar áriptestik arqyly eki tilshi aldy. Onyń aıtýynsha, jarnamadan túsetin paıda jergilikti onlaın basylymdarǵa emes, Google, vty, Facebook sekildi júıelerge kóbirek kete bastaǵan. Ol mundaı alpaýyt kompanııalardyń basymdyǵynan qutylý úshin ne isteý qajet ekenin aıta almaıdy.
«Búkil máseleni qamtyp otyrǵan baspalar qalǵan-qutqanmen kúneltip otyr», deıdi Ioneský.
Emı TSANG, «Nıý-Iork Taıms» – London
Foto: Dýnkan ELLIOT, «Nıý-Iork Taıms»
