Shekarashylarǵa arnalǵan úı
Oral qalasynda respýblıkanyń batys qaqpasynda qyraǵy qyzmette júrgen shekarashylarǵa arnalǵan úı qysqa merzim ishinde salynyp paıdalanýǵa berildi. Onyń kiltterin jańa páter ıelerine Batys Qazaqstan oblysy ákiminiń birinshi orynbasary Nurlan Noǵaev tabys etti. Mundaǵy bir bólmeli páterdiń aýmaǵy 44, eki jáne úsh bólmeler tıisinshe 68 jáne 100 sharshy metr. Atalmysh qurylys nysany elıtaly turǵyn úıge qoıylatyn talaptar deńgeıinde turǵyzylǵan. Páterler keń de yńǵaıly, ári tóbeleri bıik. Sonymen birge, ǵımarattyń kireberis dálizderi de úlken.
Shekarashylarǵa arnalǵan úı
Oral qalasynda respýblıkanyń batys qaqpasynda qyraǵy qyzmette júrgen shekarashylarǵa arnalǵan úı qysqa merzim ishinde salynyp paıdalanýǵa berildi. Onyń kiltterin jańa páter ıelerine Batys Qazaqstan oblysy ákiminiń birinshi orynbasary Nurlan Noǵaev tabys etti. Mundaǵy bir bólmeli páterdiń aýmaǵy 44, eki jáne úsh bólmeler tıisinshe 68 jáne 100 sharshy metr. Atalmysh qurylys nysany elıtaly turǵyn úıge qoıylatyn talaptar deńgeıinde turǵyzylǵan. Páterler keń de yńǵaıly, ári tóbeleri bıik. Sonymen birge, ǵımarattyń kireberis dálizderi de úlken.
– Jańa úıdiń paıdalanýǵa berilýi arqyly shekarashylardyń júz paıyzǵa jýyǵyn jańa baspanamen qamtýǵa múmkindik týyp otyr. Bul Elbasymyz Nursultan Nazarbaevtyń sarabdal saıasaty men eldiń shekaralyq qyzmetinde júrgen saqshylardy udaıy qoldap otyrýdyń nátıjesi dep bilemiz, – dedi rásim kezinde № 2029 shekarashylar bólimshesi komandıriniń orynbasary Mırhat Bahıev.
Sonymen birge, shekarashylarǵa arnalyp salynǵan alpys páterli ásem úıden jalpy aýmaǵy júz sharshy metr quraıtyn úsh bólmeli páterdiń kilti qolyna tıip qýanyshy qoınyna syımaı turǵan eki uldyń ákesi, atalǵan bólimshedegi ınjenerlik qyzmettiń bastyǵy Alekseı Horev óz tilegin bylaısha jetkizdi.
– Búgingi kún meniń otbasym úshin baqytty kún. Biz jańa úıden dańǵaradaı úsh bólmeli páterge ıe boldyq. Buǵan deıin eńbekaqymnyń teń jartysyna jýyǵy jaldamaly páterge tóleýge jumsalyp keldi. Endigi jerde men bul máselege alańdamaı, bar kúsh-jigerim men qaıratymdy Qazaqstan Respýblıkasyna qyzmet etýge arnaıtyn bolamyn.
Temir QUSAIYN.
ORAL.
