– 2018 jyl Parlament Senaty úshin ónimdi jyldardyń biri bolyp, kóptegen zań qabyldandy. Onyń ishindegi eń mańyzdylarynyń biri – aldaǵy úshjyldyq bıýdjet. Bul bıýdjetti áleýmettik bıýdjet dep nyq senimmen aıta alamyn. О́ıtkeni, bıýdjettiń 47 paıyzǵa jýyǵy áleýmettik salaǵa baǵyttaldy. Atap aıtqanda, bıyldan bastap muǵalimderdiń jalaqysy jáne kópten beri aıtylǵanymen, iske aspaı kelgen eń tómengi jalaqy mólsherin kóterýge qol jetkizdik. Bul kórsetkish boıynsha elimiz sońǵy jyldary keıindep qalǵan edi. Endi úshjyldyq bıýdjette elimizdegi eń tómengi jalaqy 28280 teńgeden 42 myń teńgege deıin kóbeıtiledi.
Sonymen qatar elimizdegi joǵary bilimniń sapasyna baılanysty da aıtylǵan syndar údep ketken bolatyn. Onyń syry mynada – oqý oryndaryndaǵy professorlyq-oqytýshylar quramynyń jalaqysy da kóp jyl boıy ózgerissiz qalyp keldi. Endi bul olqylyqtyń da orny tolatyn boldy. Máselen, 2019 jyldyń bıýdjeti boıynsha ǵalymdardyń ǵylym doktory dárejesine endi 34 aılyq eseptik kórsetkish kóleminde ústeme qosylady. Al ǵylym kandıdaty ataǵy úshin 17 AEK tólenedi. Eń bastysy, bıylǵy bıýdjette zeınetaqyny ár sanat boıynsha kóterýge da qarjy qaraldy. Mine, áleýmettik bıýdjettiń jemisi – osy. Qazir AQSh pen Reseı, AQSh pen Qytaı arasyndaǵy saýda soǵystary bizdiń elimizge ońaıǵa soǵyp otyrǵan joq. Bul kıkiljińder damýshy memleketterge teris áserin tıgizýde. Osyndaı qıyndyqtarǵa qaramastan, Elbasynyń bastamasymen elimizde áleýmettik salaǵa kóńil bólinip, halyqtyń ál-aýqatyn arttyrýǵa baǵyttalǵan qyrýar is atqarylýda. Tabaldyryqtan attaǵan 2019 jyly da bizdiń halqymyz Memleket basshysynyń bastaýymen jańa yryzdyqtarǵa qol jetkizbek. Jańa jylda úmitterimiz aqtala bersin!
Murat BAQTIIаRULY,
Parlament Senatynyń depýtaty
