«Tańdaýdy azamattyń ózine berýge qatysty tıisti jaǵdaı jasaý josparlanyp otyr. Búginde bul rásim memlekettik satyp alýlarǵa tıesili, ıaǵnı qandaı shıpajaı shyqsa, múgedek jandar sol shıpajaıǵa barady. Mysaly, júrek aýrýyna tap bolǵan múmkindigi shekteýli jan qımyl-tirek apparaty boıynsha shıpajaıǵa jiberilýi múmkin», - dedi Eńbek jáne halyqty áleýmettik qorǵaý mınıstri Mádına Ábilqasymova.
Osy oraıda M. Ábilqasymova aldaǵy jyly bul baǵyttaǵy júıe ózgeretinin atap ótti. «Aldaǵy jyly tańdaý jasaý quqyǵy baratyn adamnyń ózine beriledi», - dep naqtylady vedomstvo basshysy. Onyń sózinshe, atalǵan jańashyldyqtar aıasynda qyzmet kórsetý sapasy edáýir artady dep kútilýde. Budan buryn habarlanǵandaı, zeınetkerler men múgedekter 2019 jyldan bastap shıpajaıda emdelýge elektrondy túrde jazylady.
