"... Jańa jylǵa 15 mınýt qaldy. Bir sátte ult batyryna aınalǵan 20 jastaǵy jigit alǵa basyp kele jatqan. Ol merekeni dostarymen qarsy alýǵa asyqqan. Birer saǵat buryn ony óziniń týǵan qalasyndaǵy ortalyq alańda madaqtaǵan edi. Ol anasyn quttyqtap, sońǵy ret qushaqtap, 150 shaqyrymdyq jolǵa shyqqan.
Alaıda ol merekelik dastarhanǵa jete almady. Dostary kútip otyrǵan úıge 40 shaqyrym qalǵan sátte Sattarhanov kólikti basqara almaı, aýdarylǵan. Eki jolaýshy aman qalyp, al Qazaqstannyń altyn balasy, eldiń eń súıkimdi balasy sol jerde qaıtys boldy.
Sporttyq mansabyndaǵy eń basty jarysta jetkennen keıin úsh aı ýaqyt ómir súrdi. Onyń qysqa ǵana ómiri jurttardyń shampan atyp, jańajyldyq quttyqtaýlar aıtyp jatqan ýaqytta boldy...", - dep jazdy basylym.
Maqala avtory sportshynyń Túrkistandaǵy qıyn balalyq shaǵy týraly, onyń sportqa degen súıispenshiligi, matematıka men geografııa pánderin súıip oqyǵany jáne onyń jaısań minezi týraly jazǵan.
"Bala kezinen Bekzat tańǵy beste turatyn bolǵan, ata-anasyna úı sharýashylyǵynda kómektesip, mektepke deıin eki saǵat boıy júgiretin bolǵan. Boksshy sport zalyna avtobýspen barýǵa májbúr bolǵan. Keıde onyń teńgesi jetispeı, 15 shaqyrymdy jaıaý júrip ótetin bolǵan", - dep jazylǵan maqalada.
Onyń ólimin kóptegen BAQ ókilderi qupııa ári jumbaq jaǵdaıda boldy dep atady. Boksshy buzaqylarmen jeńis júldesin bólispegeni úshin, jol apatyn qoldan jasady degen tujyrymdar boldy. Jolaýshylardyń úndemeýi jáne resmı derekkózderdiń bolmaýy osy nusqaǵa silteme jasaıdy degen bolady.
"Alaıda 18 jyl ótkende Bekzattyń dostary men tanystary sol jol-kólik oqıǵasy eshkimniń kómeginsiz taǵdyrdyń ózi josparlap qoıǵan degen oıǵa toqtalǵandaryn aıtady", - degen sheshim jasaıdy maqala avtory.
Túrkistanda Bekzat Sattarhanovtyń atyna yqshamaýdan berildi, onyń esimimen birneshe sporttyq mektepter ashyldy, al 2007 jyldan bastap balalar men jasóspirimder arasynda boksshynyń atyndaǵy týrnır ótkizilip keledi. Bekzattyń ata-anasy men týystary uly sportshynyń esimi umyt bolady dep alańdaıdy.
"Túrkistanda Bekzat Sattarhanovtyń jeti metrlik eskertkishi men sport zaly apatty jaǵdaıda tur, al 2011 jyly adamsengisiz jaǵdaı boldy. Belgisiz bireýler Bekzat Sattarhanovtyń qabirin qorlady. Olar sportshynyń medaliniń kóshirmesin urlaǵan. Sonda Bekzattyń anasy, vandaldardyń ulyn ekinshi ret óltirgenin aıtqan edi", - delingen maqalada.
