Suhbat barysy Japonııaǵa qaıtarylatyn araldardaǵy halyqtyń máselesi tóńireginde jáne onyń qalaı sheshiletindigi týraly boldy.
- Soltústik aýmaqtyń barlyq turǵyndary (Japondyqtardyń 4 araldan turatyn Kýrıl mekeni) – reseılikter. Kelissózderdegi bizdiń ustanym «ótinemin, bul jerden ketińizder» deýmen ǵana shektelmeıdi, - deıdi premer.
Abe Japonııa aýmaǵyn berý jergilikti turǵyndardyń kelisimimen júrgizilýi tıis dep atap ótti. Premerdiń pikirinshe, japondyqtar men reseılikter birge ómir súre alady jáne jumylyp, jumys isteı alatyn edi.
Osy aıda Abe Reseıge barady. Boljamdy kún 21 qańtar bolýy múmkin.
Japon premeri men Reseı Prezıdentiniń aldyńǵy kezdesýi 14 qarashada Sıngapýrda ótken edi. Sol kezde Abe qos tarap 1956 jylǵy birlesken keńes-japon deklarasııasy negizinde beıbit kelisim-shart jasaı otyryp, kelissóz úderisin jedeldetýge ýaǵdalasqanyn jetkizgen bolatyn.
Bul deklarasııada taraptar beıbit kelisim-shart jasaýǵa daıyn ekendikterin bildirip, keıinnen KSRO Habomaı jáne Shıkotan araldaryn Japonııaǵa berýge kelisken-tuǵyn. KSRO men Japonııa arasyndaǵy qujat ratıfıkasııalandy, biraq beıbitshilikterin nyǵaıtý úshin Tokıo ony júzege asyrýdan bas tartty. Sebebi, olar birden tórt araldyń (Kýnashır, Itýrýpa, Shıkotan jáne Habomaı) qaıtarylýyn talap etken bolatyn.
