Tirlik bitken kórkime tańǵalsyn dep,
Aıaqasty ushqyndap qar jaýsyn kep.
Saǵan jetip osynaý qarmen birge,
Bərin aıtqym kelgeni...
Jan daýsym kep...
Joq, senbeımin,
Jabyǵyp, toryqqam joq,
Sen oılaısyń «kúıimdi jan uqqan» dep.
Saǵan jetkim keledi men de ushqyndap,
Səlden keıin basylam mamyq qar bop.
Qar mamyqtar...
Unaıdy maǵan osy,
Tońǵaq taldar,
Aq shamdar,
Qala keshi.
Qarmen ushyp jetpedim,
Jete almadym,
Bolmaǵandaı janymnyń dəneńesi.
...Aq mamyq qar jarasar endi maǵan,
Ǵajabyma telmirtip...
Tońdyra alam...
Qar ushqyndar əli kóp...
Jyly kıin,
Bir shetinde taǵdyrdyń sen júr aman...
***
Bul kúnniń taptyq qaıdan kórkemdigin,
Myna kún búgingi kún emes múlde,
Adasqan keshegi əlde erteńgi kún.
Tógip tur əldeqaıdan jap-jaryq nur,
Bir óleń jazǵanymsha kún ózgerdi,
Al qazir Almatyda qar jaýyp tur.
Sol úshin alǵys aıttyq biz Qudaıǵa,
Syıyńa alaqaıly adam bitken,
Qaldyryp bara jatyr kúzdi qaıda?
Ýaqytqa qarańyzshy – qarasha əli,
Sulý qyz kempir rólin somdaǵandaı,
Nege erte oranady qala shəli?!
Janymyz qaldy bizdiń uzaq qansha?!
Marhabat, men qalaıyn kúz-sulýdy,
Kóńilden kóz ushyna uzatqansha.
***
Únsizdikte
О́mir bardyń mysaly,
Alaı-dúleı kóńil bardyń mysaly –
Jaýyp turǵan myna qar.
Únsiz,
Tilsiz jubatar.
Jaýatyny – jańbyrdaı,
Qonatyny – (pań) qyldaı.
Qudaıym, muny kesher me eń,
Nóserden kórkem desem men.
Kóktemgi jańbyr jylatyp ketken edi ǵoı,
Taǵy bir muńy búr atyp ketken edi ǵoı.
Al mynaý jaýǵan únsiz qar,
Jubatyp tur ǵoı,
Úr ańqyp tur ǵoı.
Muń syzdar.
Jaýyńdar əli,
Jaýyńdar tańǵa,
únsiz qar.
Únsizdigińnen úrdeı aıaýly jyr syzdar.
Aıaqqa myna taptalý úshin emes-aý,
Shattaný úshin jalǵyzdyq jandar,
Júrekke jaýyp tursyzdar.
KÚZGI QAR
Birdemde qylyǵyna uıytty erik –
Shashylǵan tilim jasyn jıyp-terip.
Aldymda shashyn órip arý kúz tur,
Ústine əppaq kóılek kıip kórip.
Qımadym kúz kóńilin – qyz kóńilin,
Qar ənin qalyqtatar biz be búgin?!
Kóılegi ardaı əppaq arý kúzdiń,
Kózinen tamǵan jasy syzdy erinin.
Kinəli shyǵar oǵan kúıbeń bizdiń,
Kelmeıdi ardaı əppaq túımeńdi úzgim.
...Kóńilin jubatýǵa turmyn qımaı,
Ústine əppaq kóılek kıgen qyzdyń...
***
Únsizdigimiz sekildi bizdiń,
Muńsyz kúnimiz sekildi bizdiń.
Nəziktigiń sekildi seniń,
Jazyqtyǵym sekildi meniń.
Uıańdyǵyń sekildi seniń,
Qııaldyǵym sekildi meniń.
Kirshiksiz senetinińdeı seniń,
Bərine kónetinimdeı meniń
Qar jaýyp tur...
QARKEShKEN
Kúrtik keshken elikteıin erbeńdeı,
Qyz keledi diril qaǵyp, jan jibip.
Sulý qyzben oınaǵysy kelgendeı,
Ústine qar tógip berdi tal-jigit.
Səl muńaıdy qyz «saýyqshyl jigitke»,
Tosyn syıyn kútpegendeı-kútkendeı.
Úńildim men, jatyr onda buǵyp ne?! –
«Músəpirdiń jetim həlin uq mendeı.
Uqsataryń qaıda aryńdy qarǵa appaq,
Kókten túsken qar degeniń – jəı aq pa?!
Iilgenshe kóterdim men salmaqtap,
Tirlik bitken baspaý úshin aıaqqa.
Solaı, sulý, osy meniń boryshym,
Tətti aryńdy – aq qaryńdy ushyrma.
Jerge bermeı, saǵan tóktim sol úshin,
Erisin dep erinińniń ushynda».
ETIýD
Terezemniń dál aldynda kúnde osy,
Azalydaı Almatynyń kún, keshi –
Kebinge orap, qaýmalaı kep qar bitken,
Jerlep jatyr japyraqtyń múrdesin.
Jaýǵan qardyń jeliginde júr únim,
Joqtaý aıtqan jel úninde tur únim.
Aıyrbastap alǵym kelip turmyn men,
Jar basynda jalǵyz tal,
Qaltyraǵan japyraqtyń ǵumyryn.
KО́LEŃKE
Aıdap keldi jel erkesi,
Appaq qardyń kóleńkesin –
Júrek-jaıǵa qonyp jatqan,
Sekildi eken óleń kóshi.
(О́leń kóshi,
Qosh kelesiń!
Elemeńiz eshteńesin.
Júrek-meken kútýde əli,
Nege, nege bos kelesiń?!)
Kóleńkesi kórkem eken,
Jan-jaryqty órter eken.
Appaq qardyń kóleńkesi!
Qalaı ony erkeletem?!
Kóleńkege attap erem,
Qata almady – qat degen em.
Jaýyp jatyr, qonyp jatyr,
Júrek-jaıǵa appaq óleń.
Jardy oıladym – əz kúnderdi,
Kóleńkeli saz búrlendi.
...Qar jaýyp tur, qar jaýyp tur,
Jazǵym keldi, jazǵym keldi.
