Izdeý operasııalary kezinde 5 adam qutqaryldy, onyń ishinde Máskeýge emdeýge shuǵyl jetkizilgen 11-aılyq sábı de bar. Densaýlyq saqtaý mınıstri Veronıka Skvarsovanyń habarlaýynsha, sábıdiń jaǵdaıy aýyr, biraq ómirine eshqandaı qaýip tónip turǵan joq.
Apat ornyndaǵy qutqarý jumystary táýlik boıyna áli jalǵasýda.
Aldyn-ala belgili bolǵan málimetter boıynsha, podezdegi apatqa páterlerdiń birindegi turmystyq gazdyń jarylýy sebep bolǵan. Reseıdiń federaldyq qaýipsizdik qyzmetiniń málimdeýinshe, jarylystyń basqa sebepteri qarastyrylyp jatqan joq.
Bul qylmystyq is «abaısyzda eki jáne odan da kóp adamnyń ólimine sebepker bolý» baby boıynsha qozǵaldy. Ol bap boıynsha qylmysker eki jylǵa deıin bas bostandyǵynan aıyrylady.
31 jeltoqsan kúni oqıǵa ornyna Reseı prezıdenti Vladımır Pýtın keldi. Ol qutqarý operasııasynyń shtabynda jınalys ótkizip, apattyń saldaryn joıý boıynsha úkimettik komıssııa qurýdy tapsyrdy. Keıin ol aýrýhanadaǵy zardap shekken turǵyndardyń halin bilýge bardy.
Jarylys bolǵan úı Magnıtogorskiniń oń jaǵalaýyndaǵy aýdanda, ıaǵnı basty dańǵyldardyń biri – Karl Marks kóshesinde ornalasqan.
Keshe Chelıabi oblysynda qaza bolǵandardy aza tutý kúni jarııalandy.
Aıta keteıik, 2017-2018 jyldar ishinde Reseıdegi turǵyn úılerde adam ólimine ákelgen 44 turmystyq gazdyń jarylý oqıǵasy oryn alǵan.
Qarlyǵash QURAMYS,
«Egemen Qazaqstan»
