О́z mıssııasyn aıaqtaǵan Bolıvııa, Qazaqstan, Nıderlandy, Shvesııa jáne Efıopııanyń ornyna BUU Qaýipsizdik Keńesiniń jańa turaqty emes músheleri retinde Belgııa, Germanııa, Domınıkan Respýblıkasy, Indonezııa jáne Ońtústik Afrıka keldi.
BUU Qaýipsizdik Keńesine jańa turaqty emes múshelerdiń qosylýynyń saltanatty rásimi BUU tarıhynda tuńǵysh ret Qazaqstannyń bastamasymen 2018 jyldyń qańtarynda onyń BUU Qaýipsizdik Keńesinde tóraǵalyǵy kezinde ótkizildi. BUU-ǵa múshe memleketter osy jańa engizilimdi Qazaqstannyń «jarqyn jeke kartochkasy» dep atady.
Buryn Qaýipsizdik Keńesiniń zaly aldyndaǵy baspasóz qabyrǵasynyń janynda BUU Qaýipsizdik Keńesi turaqty emes músheleriniń týlaryn aýystyrýy tehnıkalyq rásimi boldy. Jańa dástúrdi engizýimen bul rásim BUU-ǵa múshe memleketterdiń jáne álemniń jetekshi buqaralyq aqparat quraldarynyń Birikken Ulttar Uıymy janynda akkredıttelgen ókilderiniń keńinen qatysýymen resmı is-sharaǵa aınaldy.
