Qaraly jıynda Almaty qalasynyń ákimi Baýyrjan Baıbek Memleket basshysynyń jedelhatyn oqyp, marqumnyń týystaryna almatylyqtar atynan kóńil aıtty.
«Sultan Súleımenuly maıdanda erlikpen shaıqasyp, elge oralǵan soń túrli joǵary laýazymdy qyzmetterdi abyroımen atqaryp, bilikti basshy jáne isker uıymdastyrýshy retinde respýblıkamyzdyń ósip-órkendeýine zor úles qosty. Uzaq jyldar boıy Saýda mınıstri jáne Mınıstrler Keńesi tóraǵasynyń orynbasary bolyp, ózi basshylyq jasaǵan salalardyń zaman talabyna saı damýyna kóp eńbek sińirdi.
Ol qurmetti demalysqa shyqqannan keıin de qoǵam ómirinen qol úzbeı, táýelsiz elimizde halqymyzdyń yntymaǵy men bereke-birliginiń nyǵaıa túsýine árdaıym atsalysty.
Eli men halqyn súıgen abzal jannyń ári abyz aqsaqaldyń esimi men eńbegin qazaqstandyqtar umytpaıdy dep oılaımyn», – delingen jedelhatta.
Sultan Jıenbaev 1921 jyldyń 22-shildesinde Almaty qalasynda dúnıege kelgen. 1953-54 jyldar aralyǵynda QazSSR Saýda mınıstrliginiń basqarma basshysy, al 1954 - 1959 aralyǵynda Almaty qalalyq partııa komıtetiniń bólim meńgerýshisi, 1962-1970 jyldary QazSSR saýda mınıstri qyzmetterin atqarǵan. 1970 - 1984 jyldar aralyǵynda Jıenbaev mınıstrler Keńesiniń orynbasary boldy
Sanaly ǵumyrynda halqyna qaltqysyz qyzmet etken zańǵar tulǵa qaladaǵy «Keńsaı» zıratyna jerlendi.
Arman OKTIаBR,
«Egemen Qazaqstan»
