Kanadanyń CTV jańalyq agenttiginiń málimetine súıensek, Qazaqstan quramasyn qoldaǵandar sany artyp, jankúıerler «Alǵa, Qazaqstan» dep qoldaı kórsetip otyrǵan eken.
Vıktorııa qalasyna jınalǵan kórermender qoldaýy Qazaqstan men Fınlıandııa arasyndaǵy kezdesýden keıin bastalǵan. Sol matchta elimizdiń quramasy 5:0 esebimen ese jiberdi. Al oıyn barysynda qaqpashy Demıd Eremeev 51 márte qaqpasyn shaıbadan aman alyp qalǵan edi.
AQSh Ulttyq quramasynyń bapkeri Maık Hastıngstiń sózine qaraǵanda, Vıktorııaǵa jınalǵan jankúıerler qazaqstandyqtarǵa erekshe ystyq sezimin bildirgen.
«Kanada Hokkeı» marketıng bóliminiń jetekshisi Dın Makıntoshtyń aıtýynsha, Qazaqstan quramasynyń kópjyldyq úzilisten keıin tartysqa qaıta qosylýy, týrnırge marketıngtik turǵyda paıda ákelgen. Dúken sórelerinde Qazaqstan quramasynyń jeıdeleri qalmaǵan eken. «Kanada jankúıerleri jeńilgenderdi shettetpeıdi, tipti birneshe jyl sapta kórinbegenderdi de jyly qabyldaıdy», deıdi Dın Makıntosh.
Qazaqstan quramasynyń jeıdesin kıgen jankúıer Bıll Brıstoý qazaqstandyq hokkeıshilerdiń jigerine tánti bolypty.
«Jigitter jan-tánimen oınady. Olardan basqa komandalardyń sapynda Ulttyq hokkeı lıgasynda óner kórsetetinder bar. Soǵan qaramastan, qazaqstandyq sportshylar ár oıyn saıyn baryn salady», dedi ol.
