QR Prezıdenti N.Nazarbaevtyń 2018 jylǵy 19 maýsymdaǵy Jarlyǵymen Shymkent qalasy respýblıkalyq mańyzy bar qala mártebesin alyp, ákimshilik ortalyǵy Túrkistan qalasy bolǵan Túrkistan oblysy quryldy.
«Túrkistan -Shymkent» baǵytyndaǵy júrdek poıyz aptasyna eki ret - dúısenbi jáne juma kúnderi júredi. Joldaǵy ýaqyty - 2 saǵat 15 mınýt. Poıyzdaǵy jalpy oryn sany - 175. Vagondar zamanaýı jylytý jáne salqyndatý júıelerimen jabdyqtalǵan. Sondaı-aq arbadaǵy múgedekterge arnalǵan kótergish qurylǵylar men arnaıy oryndar bar. Jolaqysy 609 teńgeni quraıdy.
Sondaı-aq atap ótilgendeı, bıyldyn bastap «Qalamańy tasymaly» AQ aptasyna 5 ret qatynaıtyn áleýmettik mańyzy bar «Túrkistan-Badam» jáne «Túrkistan-Saryaǵash» baǵyttaryn iske qosty.
«Túrkistan-Badam» poıyzynyń joldaǵy ýaqyty 3 saǵatty quraıdy jáne kompanııa bul baǵytty Shymkent qalasyna deıin uzartýdy josparlaýda.
«Túrkistan-Saryaǵash» baǵyty jańa ákimshilik ortalyqty oblystyń ońtústik aýdandarymen baılanystyrady. Joldaǵy ýaqyt - 5 saǵat 20 mınýt.
Budan bólek, «Almaty-Túrkistan» poıyzy qatynaı bastady. «Ulttyq tasymaldaýshy óz jolaýshylaryna barsha qolaıly jaǵdaı jasap, jańa baǵyttar sanyn jyl saıyn ulǵaıtýdy kózdeıdi», - delingen baspasóz habarlamasynda.
