Oblystyq bilim basqarmasynyń málimetinshe, pándik olımpıadaǵa 26 komandaǵa bólingen 680 oqýshy qatysty.
Oblys ortalyǵyndaǵy mektepter qurama komandasynda 65 oqýshy,aýyldan Baıanaýyl aýdanynan 25 oqýshy bilim jarysyna tústi.
Olımpıada qorytyndysy boıynsha sapasy jaǵynan joǵary kórsetkishke ıe bolǵan komandalar Jaratylystaný-matematıkalyq jáne gýmanıtarlyq baǵyt boıynsha «Eń úzdik olımpıadalyq komanda-2019» nomınasııasy boıynsha sertıfıkattarǵa ıe boldy
Jaratylystaný-matematıkalyq baǵyty boıynsha I oryn «Daryndy balalarǵa arnalǵan» №8 lıseı-mektebiniń komandasy, II oryn – «Daryndy er balalarǵa arnalǵan» «Bilim- Innovasııa» lıseıiniń komandasy jáne III oryndy «Jas daryn» mamandandyrylǵan mektebiniń komandalary ıelendi.
Al, gýmanıtarlyq baǵyttaǵy bilim jarysynda oblystyq daryndy balalarǵa arnalǵan kóp salaly lıseı-ınternaty, «Jas daryn» mamandandyrylǵan mektebi, Y.Altynsarın atyndaǵy gımnazııa-ınternaty , №3 gımnazııa úzdik shyqty.
Sonymen birge, «Eń úzdik qalalyq komanda-2019» nomınasııasynda - Pavlodar qalasynyń qurama komandasy,
«Eń úzdik aýdandyq komanda-2019» nomınasııasynda Ertis aýdanynyń oqýshylar komandasy marapattaldy.
Oqýshylardyń jalpy bilim beretin pánder boıynsha oblystyq olımpıadasynda 283 oqýshy marapattaldy.
16 oqýshy 3 joǵary oqý ornynyń bilim grantyna ıe boldy.
Farıda BYQAI,
«Egemen Qazaqstan»
PAVLODAR
Sýretti túsirgen Baqdáýlet NURMAT
