Zhas project jastar korpýsyn damytý – Dúnıejúzilik bank pen Bilim jáne ǵylym mınıstrliginiń birlesken jobasy.
– Úılestirý agenttigi aldyńǵy jyly qanatqaqty jobany Qaraǵandy, Pavlodar, Ońtústik Qazaqstan jáne Almaty oblystarynda júzege asyrýdy qolǵa alǵan bolatyn. Sóıtip osy 4 aımaqta 18-29 jas aralyǵyndaǵy eki myńǵa jýyq jasty qamtydy. Olar áleýmettik ıdeıalardyń negizinde 589 joba usyndy. Granttyq baıqaýǵa qatysý úshin jastar 3-5 adamnan turatyn toptarǵa birigip, bizdiń saıtta ornalasqan talaptarǵa sáıkes elektrondy túrde ótinish bere alady. Qatysýshylarǵa qoıylatyn negizgi talaptarǵa toqtalar bolsaq, jastar joba júzege asyrylatyn aımaqta turýy qajet. Olardyń jas mólsherine, qolǵa alǵan bastamalaryna qajetti qujattarynyń túgel bolýyna qatysty da talaptar bar. Árıne, eń bastysy, ynta-yqylasyna kelip tireledi. Byltyr Qostanaı, Shyǵys Qazaqstan, Soltústik Qazaqstan, Aqtóbe, Jambyl jáne Qyzylorda syndy 6 oblys qosyldy. Bıyl qalǵan tórt oblysty jáne Astana men Almatyny tartamyz. Osylaısha, úsh jyldyń ishinde Qazaqstan jastary múmkindiginshe «Zhas project» jobasynyń qaıtarymsyz granttaryna ıe bola alady, – deıdi birlestik tóraıymy Vera Kım.
Byltyr grantqa úmitker adamdardyń jas shekteýine azdaǵan ózgeris engizilip, 14-29 jas aralyǵy qamtyldy. Aıta keterligi, grantty alý úshin keremet ınnovasııalyq jańalyq tabý qajet emes. Qarapaıym mysal úshin aıtsaq, aýylda shaǵyn naýbaıhana ashýdy usynǵan jastarǵa da qoldaý kórsetiledi. Eń bastysy, elge de, isker azamattyń ózine de paıdasyn tıgizse bolǵany. Joba júzege asyrylatyn alty aı ishinde jastar shákirtaqymen qamtamasyz etilip, tıisinshe aýyl turǵyndaryna nandy aqysyz taratýy kerek. Jobanyń áleýmettik dep atalýy da osydan kelip týady.
Mal jáne qus sharýashylyǵy, aǵylshyn tilin oqytý, tigin sehtary, basqa da kóptegen áleýmettik baǵyttaǵy jobalar bar. Berilgen grantqa satyp alynǵan jabdyqtar nemese tórt túlikterdiń bári ózderinde qalady. Iаǵnı, olar óz isin ári qaraı damytýǵa múmkindik alady.
– Bir qyzyq joba boldy. Almaty oblysynda eti tiri jastar birigip, biraz sıyr satyp alyp, sútin aýyl turǵyndaryna taratypty. Bir qaraǵanda jaı ǵana mal sharýashylyǵy sııaqty. Keıin zerttep kórsek, bul aýylda kalsıı men basqa da dárýmenderdiń jetispeýshiligine baılanysty súıek júıesi aýrýlaryna shaldyqqan adamdar basqa óńirlermen salystyrǵanda kóp eken. Demek, ony qoldaý kerek, – deıdi Vera Aleksandrovna.
Ippoterapııa, ıaǵnı salt atpen júrý arqyly emdeý ádisin qolǵa alǵandar da bar. Jalpy, medısınaǵa qatysty kez kelgen jobaǵa úılestirýshi top erekshe saqtyqpen qaraıdy. Teksere kelgende, ıppoterapııany qolǵa alýshy azamattyń barlyq tıisti qujattary túgel ekendigi anyqtaldy. Jas jigit Máskeýde medısınalyq ýnıversıtet bitirgen bilikti maman bolyp shyqqan. Aýyldyq jerlerde osyndaı arnaıy bilimi bar mamandardyń bolýy óte mańyzdy. Qazir onyń kómegine júgingen biraz naýqas balalar dertine shıpa taýyp, ata-analary alǵysyn jaýdyryp turady.
– Osyndaı paıdaly ister óz nátıjesin berip jatqanyn kórgende beker jumys istemeıtinimizdi túsinemiz. Biz árbir qatysýshy ómiriniń oń baǵytqa ózgerýine jáne olardyń armandaryna jetý úshin alǵashqy qadamdaryn bastaýyna, qoǵamnyń máselelerin sheshýge atsalysýyna yqpal etkimiz keledi, – deıdi V.Kım.
Ár joba jastardyń ózine ǵana emes, olar ómir súretin qoǵam úshin mańyzdy. Jobada jumys istegen alty aı ishinde jastar ózderine paıdaly kóp nárseni úırenedi. Al qabileti bar azamat ári qaraı basqa da qyzmette óziniń jumysyn kórsete alatyny sózsiz. Demek, olardy qoldaý úshin atqarylǵan jumys, tógilgen ter tekke ketpegeni.
Arnur ASQAR,
«Egemen Qazaqstan»
