Aqtóbe qalasynyń turǵyndary 5 shilde kúni Densaýlyq saıabaǵyna jınalyp, qan qysymyn ólshetti. Alańda 500 dáriger otyryp, árbir aqtóbeliktiń qan qysyn ólshep, olarǵa qajetti keńes berdi. Ár dáriger bir adamǵa 3-4 mınýt ýaqytyn ǵana bóldi. Alańda kezek bolyp, aldymen adamdardyń jeke kýáligi tirkeldi. Keıin olar qan qysymyn ólshetip, arnaıy nómir aldy.
Barlyǵy 80 baqylaýshy jumys istep, dárigerlerdiń is-áreketin beınekameraǵa túsirdi.
«Aqtóbe oblysynyń dárigerleri úshin búgin erekshe kún. Gınnestiń rekordyn jańartqany týraly aqparat resmı rastaldy. 5 shilde kúni bir saǵat ishinde 4270 adamnyń qan qysymy ólshendi. Álemdik rekord ornatý úshin oblystyq densaýlyq saqtaý basqarmasy suranys berdi. Aksııa Densaýlyq saıabaǵynda ótti. Osy arqyly biz qan qysymy dertine nazar aýdartýdy qaladyq. Aqtóbe oblystyq densaýlyq saqtaý basqarmasy sol ýaqytta qyzmet etken dárigerlerge alǵys bildiredi»,- dep habarlady oblystyq densaýlyq saqtaý basqarmasynyń basshysy Áset Qalıev.
