Qazir jergilikti bıýdjetten qarajat bólinip, Quryq eldi mekenine ınternet júıesi tartylyp jatyr. Aldaǵy jazǵa deıin qazaq-túrkimen shekarasyndaǵy Bolashaq stansııasyna, Senek, Qulandy aýyldaryna da keń jolaqty ǵalamtor jetedi. Mektep pen aýrýhanalardy sıfrlandyrý isi de sátti júzege asýda. Búldirshinderdi balabaqsha kezegine qoıý elektrondy qyzmet arqyly júrgizilýde. Aýdandaǵy 17 mekteptiń barlyǵy elektrondy kúndelikti qoldanyp jatyr.
- Densaýlyq salasy boıynsha da qazir sıfrlandyrý jumysy qarqyndy júrip jatyr. 100 % densaýlyq pasporttary elektrondyq baǵdarlamaǵa kóshti. Sonymen qatar «Damý med» áleýmettik jelisi arqyly da dárigerge qaralýdyń baǵytyn osy qyzmet arqyly júzege asyryp jatyrmyz. Aýdanda 20 qyzmet elektrondy túrde kórsetiledi. Bul baǵytta 7 aýyl men 8 bólimshede túsindirme jumystary júrgizilýde, deıdi Qaraqııa aýdanynyń ákimi Qydyrberdi Bekov.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
