«Serpin» baǵdarlamasy boıynsha 600-700-ge jýyq jasty oqýǵa tartý josparlanyp otyr jáne barlyq mektepte kásiptik baǵdarlaý kabınetterin ashý kózdelgen.
Jastar basqarmasy basshysynyń aıtýynsha, ótken jyly 9119 jas jumysqa ornalasqan. Jarty jylda bir ret oblystyq qoǵamdyq tyńdaý ótkizilmek. Eńbek naryǵyna qajet mamandyqtar kartasyn ázirlep, oqý oryndaryna taratylady,. «Jasyl el» baǵdarlamasymen jaz aılarynda jumyspen qamtylatyn jastar sany 1500-ge jetpek.
Qazir «7-20-25» baǵdarlamasymen 241 otbasy baspanaly bolsa, sonyń 200-i jas otbasy eken. Sonymen qatar 3000 oryndyq jataqhananyń qurylysy bastalady. Al «Dıplommen alýǵa» baǵdarlamasy boıynsha 200-den astam jasqa úı alýǵa nesıe beriledi. Sonymen qatar jastardy qoldaý baǵytynda maýsym aıynda «Rýhanı jańǵyrý» jáne «Uly dalanyń 7 qyry» maqalalary aıasynda «О́z tarıhyńdy tanyp bil» atty jastardyń respýblıkalyq ekspedısııasy josparlanýda. Aýqymdy ekspedısııa Mańǵystaýdan bastaý alady, odan ári Atyraý (Saraıshyq, Isataı, Mahambet keseneleri), Oral (Bókeı orda), Aqtóbe (Qobylandy batyr kesenesi), Qyzylorda, Ulytaý, Túrkistan, Esik qorǵany, Astana qalalaryn aralamaq.
«Týǵan jer upgrade» Sherqala nemese Aıraqty taýy eteginde kóshpeli jastar kezdesý-trenıngi ótip, respýblıka boıynsha «100 jańa esimge» engen, jetistikke jetken tulǵalar shaqyrylady. Jas blogerlerdiń medıa-týry qyrkúıek aıyna josparlanǵan, sharaǵa áleýmettik jelide tanymal jastar, vaınerler qatystyrylmaq.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
