«Elbasy 2019 jyldy Jastar jyly dep jarııalady. Jastardy jáne otbasy ınstıtýtyn keshendi qoldaý memlekettik saıasattyń basymdyǵy bolýy tıis. Bizdiń óńirde Qazaqstannyń bolashaǵyn qoldaý úshin barlyq sharalar qabyldanýda. Atap aıtqanda, aǵymdaǵy jyly 14-29 jas aralyǵyndaǵy 200 myńnan astam aqtóbelik jastardy qamtıtyn 300-den asa shara ótedi», - dedi Nurlan Kúntýov.
Spıker óńirde Jastar jylyn ótkizý jáne memlekettik jastar saıasatyn júzege asyrý jónindegi is-sharalar josparyn tanystyrdy.
Is-sharalardy uıymdastyrý kezinde halyqaralyq jastar yntymaqtastyǵyn, eriktiler qozǵalysyn damytýǵa, qoǵamdyq sanany jańǵyrtý sheńberinde jastarǵa áskerı-patrıottyq tárbıe berýge, mádenı, azamattyq jáne rýhanı-adamgershilik qundylyqtarǵa baýlýǵa, jastardyń kásipkerligin damytýǵa basa nazar aýdarylatyn bolady. Sondaı-aq, jastardy dinı saýattandyrý, olardyń quqyqtyq mádenıetin arttyrý, jastardy jumyspen qamtý jáne kásibı baǵdar berý baǵyttary boıynsha jumystar kúsheıtiledi», - dedi basqarma basshysy.
Atap aıtqanda, óńirde halyqaralyq eriktiler forýmy, H jazǵy respýblıkalyq Ýnıversıada, jas kásipkerler forýmy, «Jiger» áskerı-patrıottyq lageri jáne t.b. ótedi.
Aıta keteıik, Jastar jylynyń qarsańynda 2018 jyldyń qarasha aıynda Aqtóbede alǵash ret «Jas barys» atty oblystyq jastar forýmy ótkizilgen bolatyn. Forým barysynda barlyq qazaqstandyq jastarǵa arnap úndeý joldandy. Aqtóbelikter qazaqstandyq jastardy Otanymyzdyń patrıoty bolýǵa, sapaly bilim men qoljetimdi turǵyn úı alý úshin memlekettik qoldaý sharalaryn qoldanýǵa, memlekettiń damýyna barlyq kúsh-jigerlerin salýǵa shaqyrdy.
