Nege Qazaqstan?
Jer kólemi boıynsha álemde toǵyzynshy oryn alatyn memleket bolǵandyqtan, Qazaqstannyń taýlary men jazyqtary saıahatshynyń ár túrli suranysyn qanaǵattandyrady. Munda saıahatshylar kóptegen tosyn syılardy kezdestire alady.
Biraq Qazaqstanǵa kelýdiń eń jaqsy sebepteriniń biri qazaqtyń keremet qonaqjaılyǵy bolsa kerek. Qazaq halqynyń óte shyraıly jáne shynaıy, ári qonaqjaı halyq ekenin kez kelgen jerden kórýge bolady. Shyn máninde, qazaq halqy qonaqtarynyń kóńilinen shyǵý úshin baryn salady. Dastarhannan túrli dámdi kezdestirýge bolady, tipti qoıdyń mıyn da (bul týraly keıinirek).
Qazaqstannyń týrıstik oryndary
Qaıyńdy kóliniń aǵashtary qaıran qaldyrady
Móldir sý jáne taýly jerdiń keremet tabıǵaty Qaıyńdy kóline úshin barý úshin jetkilikti bolar edi, alaıda sý ishinde ósken aǵashtar kóldiń sánin odan ári asqaqtata túskendeı. 1911 jylǵy jer silkinisi tabıǵı bógetterdi qulatyp jáne qardyń erýi osyndaı ádemi kóldiń paıda bolýyna ákeldi. Kóldiń sýyq sýy aǵashtardy ǵasyrdan astam ýaqyt boıy saqtaýǵa kómektesti.
Altyn adam
1969 jyly Esik qorǵanynan 2000 jyldan astam tarıhy bar altynmen kómkerilgen mýmııa tabyldy. Bul «er adam» (jynysy naqty belgisiz) óte qundy mura, biraq KSRO muny eleýsiz qaldyrdy. Alaıda ol qazaq tarıhynyń, maqtanysh pen táýelsizdiktiń sımvolyna aınaldy.
Qoja Ahmet Iаsaýı
Iаsaýı óliminen keıin 200 jyldan soń, ıaǵnı 14-ǵasyrda salynǵan Qoja Ahmet Iаsaýı kesenesi álemdegi teńdessiz týyndylardyń biri. Túrkistan qalasynda ornalasqan ǵımarat – orta ǵasyrlyq sáýlet óneriniń kórnekti eskertkishi. Ol XII ǵasyrda ómir súrgen, búkil Shyǵysqa aty áıgili kóne túrki aqyny, sýfızmdi ýaǵyzdaýshy Ahmet Iаsaýıdiń qurmetine salynǵan.
Almaty qalasy
Qazaqstannyń eń kosmopolıtıkalyq qalasy - Nıý-Iorktiń nusqasy. Almaty halqy tyǵyz ornalasqan. Munda meıramhanalar men túngi ómirdiń keremetin tamashalaı alasyz. Aport almanyń otany sanalatyn bul aımaqtyń ataýy da almamen tikeleı baılanysty.
Qazaq ashanasy
Ádemi, tabıǵı kórikti jerler men tarıhı eskertkishterden basqa, qazaq ashanasy da túrli taǵamǵa baı. Munda siz meıramhana mázirinen et taǵamyn da taba alasyz. Et - Qazaqstannyń ulttyq taǵamy, ádette jylqy etinen daıyndalady jáne kespe qosylady. Qazaqstanda jylqy eti men sútin paıdalaný sıyr eti men sútin paıdalaný sııaqty keń taraǵan.
Al úılený toıy men týǵan kún sııaqty saltanatty is-sharalarda qurmetti qonaqtarǵa kóbine pisirilgen, qaınatylǵan qoı basynyń túrli bólikterin, onyń ishinde mı, kóz jáne til usynady.
Atyshýly Borat
Men bul keıipker týraly aıtqym kelmedi, biraq ol týraly menen kóp adam surady. Qazaqstan týraly oqyǵan kezde adamdardyń kóbisi Borat týraly oılaǵan dep senimmen aıta alamyn. О́zderińiz biletindeı, Borat - tolyq oıdan shyǵarylǵan keıipker, Qazaqstanǵa múldem qatysy joq. Al bul fılmindegi kórinister rýmyn aýylynda túsirilgen.
Saıahattaýǵa qaı kez qolaıly?
Jaz mezgili ádette Qazaqstanǵa barý úshin eń qolaıly ýaqyt. Siz taza aýada rahattanyp demala alasyz. Alaıda eldiń ońtústik aımaqtarynda bul ýaqytta temperatýra óte joǵarǵy deńgeıge deıin kóteriledi.
Eldiń shyǵys pen soltústik óńirlerinde qys qarashadan sáýirge deıin sozylady, al qysta eń sýyq kúnder mınýs 40 gradýstan tómen túsýi múmkin. Shymbulaq demalys orny týrıster úshin taptyrmas oryn. Kýrort Almatydan ońtústikke qaraı 20 mınýttyq jerde ornalasqan, jáne aspaly jol bıletteriniń quny $10-dan $ 22-ge deıin ózgeredi. Sondaı-aq Medeý muz aıdyny da óziniń ádemiligimen týrısterdi tań qaldyrady.
Mádına JÁLELQYZY,
«Egemen Qazaqstan»
