Tarata aıtsaq, oblys ortalyǵy Túrkistan qalasynda – 20 úı, Kentaýda – 15, Saryaǵash aýdanynda – 13, Túlkibas aýdanynda – 7, Arys qalasynda – 3, Jetisaı aýdanynda – 2, Shardara aýdanynda – 2, Otyrar aýdanynda – 1 úı salynady. Bıyl osy úılerdiń 47-sin paıdalanýǵa berý josparlanǵan. Sondaı-aq «Nurly jer» baǵdarlamasy boıynsha ótken jyldyń basynda 13 aýdan, qala ákimdikterine 31 ekiqabatty (330 páter, 13,9 myń sh.m.) turǵyn úı salýǵa oblystyq bıýdjetten qarjy qarastyrylǵan bolatyn. Búgingi tańda 12 (124 páter) turǵyn úıdiń qurylysy aıaqtalǵan, 19 úı (190 páter) 2019 jyldyń birinshi jartyjyldyǵynda paıdalanýǵa tapsyrylmaq.
Al «7-20-25» baǵdarlamasy aıasynda Túrkistan qalasynda «ÁKK Túrkistan» AQ-y jáne jeke salýshy arqyly qurylysy ótken jyly bastalǵan 6 kópqabatty turǵyn úıdi (336 páter, 26,1 myń sh.m.) bıyl 3-toqsanda paıdalanýǵa berý josparlanyp otyr. Sonymen qatar, Túrkistan qalasy, Otyrar móltekaýdanynda «Túrkistan – jańa qala» turǵyn úı keshenderindegi aýmaǵy 38 gektar jer teliminde 88 (2724 páter, 196,3 myń sh.m.) kópqabatty turǵyn úı boı kóterip, aǵymdaǵy jyly 44 turǵyn úı, ıaǵnı 1362 páter «7-20-25» baǵdarlamasy arqyly beriletin bolady.
Ǵalymjan ELShIBAI,
«Egemen Qazaqstan»
Túrkistan oblysy
