Syrdarııadaǵy sý deńgeıi Tasbóget gıdrobeketindegi qaýipti deńgeıge taıap qalǵan.
Aral men Qyzylorda qalasy aralyǵyndaǵy darııaǵa muz tutasqannan qyzyl sý jaıylymdyq jerlerge shyǵyp ketý qaýpi joq emes. Jaqynda Qyzylordadaǵy eski bógetti sý oryp ketken edi. Alaıda, darııany tolyq baqylap otyrǵan sala mamandary aıtarlyqtaı qaýip joq ekendigin aıtady.
– О́ńirdegi qorǵanys bógetteri tusy sý basýy múmkin 56 aımaqqa bólingen. Olarǵa jaýapty retinde barlyǵy 111 mekeme bekitildi. Mekemelerde 425 arnaıy tehnıka, 1269 adam kúshi bar. Sý tasý qaýpi týyndaǵanda paıdalanylatyn materıaldyq-tehnıkalyq qor daıyn, – dedi oblystyq jumyldyrý daıyndyǵy basqarmasynyń basshysy Asylbek Shámenov.
Jalaǵash aýdanynda Aqsý, Shámenov, Tań aýyldary, Jalaǵash kenti sol sııaqty Tereńózek kenti, Qaljan Ahýn aýyly sondaı darııaǵa jaqyn ornalasqan eldimekender bar. Bizde jalpy joǵarydan keletin sý 2 myń tekshe metr deıin túsý josparlanǵan jaǵdaıda is-qımyl algorıtmi bar. Sol kezde artyq sýdyń bárin alatyn kólder júıesi, kanaldar bári tolyq daıyn degendi oblystyq jumyldyrý daıyndyǵy basqarmasy basshysynyń orynbasary Ǵabıt Jańabaev aıtady.
Aýa-raıyn zertteıtin mamandar aldaǵy ýaqytta sý deńgeıi taǵy da kóteriletindigin naqtylap otyrǵandyqtan kúndiz-túni kezekshilik uıymdastyrylýda.
Baqtııar TAIJAN,
«Egemen Qazaqstan»
Qyzylorda oblysy
