Uıymdastyrýshylardyń aıtýynsha, Almaty oblysyndaǵy az qamtylǵan otbasylardan shyqqan balalarǵa arnalǵan №15 mektep-ınternaty, «Kırov» qyzyl tý kreıseriniń jas áskerıleriniń áskerı-patrıottyq klýby, «Pioneer Concept» jeke qory iske asyrǵan «ASB (Aýtıstıkalyq spektrdiń búlinýi) jáne damýynda ózge de erekshelikteri bar balalarǵa arnalǵan taý shańǵysy men snoýbordta joǵary taý jaǵdaıynda beıimdelgen syrǵanaý» qalalyq baǵdarlamasy bıyl qor tarapynan qaıyrymdylyq kómekke ıe bolady.
Almaty oblysyndaǵy az qamtylǵan otbasylardan shyqqan balalarǵa arnalǵan №15 mektep-ınternaty 1959 jyldan beri jumys istep keledi. Búginde mektepte kópbalaly, az qamtylǵan jáne tolyq emes otbasydan shyqqan 250 bala bar. Mektepte sportpen shuǵyldanýǵa qajetti ınfraqurylymdar jetkiliksiz. «Almaty marafony» qaıyrymdylyq qarajaty esebinen kórsetiletin qoldaý bul aǵattyqtyń ornyn toltyrmaq.
«Kırov» áskerı –patrıottyq klýby 2015 jyly Almatynyń balalar úıleri men Ofıserler úıi negizinde «Almatynyń jalǵyzbasty analaryna qoldaý kórsetý jobalarymen» «SOS Almaty balalar aýyly» jobasynyń negizinde qurylǵan. Munda 250 otbasynan shyqqan jetkinshekter bar. 2018 jyly «Kırov» klýby úshin «Sarbaz» jazǵy palatalyq lageri ashylyp, jas shekarashylar, teńiz jaıaý áskeri men desantshylar úshin arnaıy otrıadtar qurylǵan. Bıylǵy marafonda jınalǵan qarajattyń bir bóligi 125 jas áskerıge arnalǵan skalodrom qurylysyn bastaý isine jumsalmaq.
«ASB (Aýtıstıkalyq spektrdiń búlinýi) jáne damýynda ózge de erekshelikteri bar balalarǵa arnalǵan taý shańǵysy men snoýbordta joǵary taý jaǵdaıynda beıimdelgen syrǵanaý jobasy» aýtıstıkalyq spektri buzylǵan, aqyl-oıy durys damymaǵan, Daýn sındromy men DSP-ǵa shaldyqqan balalardy sporttyq damytý jáne beıimdeýmen aınalysady. Bul mekeme aıryqsha qoldaýdy qajet etetin balalardy ońaltý boıynsha elimiz úshin biregeı ádistemelik ortalyq. Jattyǵý kezinde bala sensorlyq ıntegrasııa, dene terapııasyna qatysty túrli tapsyrmalardy oryndap, qajetti sharalardan ótedi. Qorshaǵan orta men landshaft aýtısterge jaqsy yqpal etedi, buǵan qosa, teńiz deńgeıinen 2000 metr bıiktikte ottegi men atmosferalyq qysym jaǵdaıynda kóptegen aýrýlardan passıvti túrde aıyǵýǵa bolady (gıpoksıterapııa).
– Bizden qaıyrymdylyq maqsattarǵa qarajatty qalaı jınaısyzdar dep jıi suraıdy. Bul týraly keńirek aıtar bolsam, árbir qatysýshy «Almaty marafonyna» tirkele otyryp jáne jarna tóleý arqyly qaıyrymdylyq maqsattarǵa óz úlesin qosa alady. Qajetti soma jınalǵannan keıin biz aqshany tańdalǵan mekemelerge birden bere salmaımyz, kerisinshe, jeke ótinim boıynsha qajetti sporttyq ınfraqurylymdy qalyptastyramyz: sport alańdaryn, skalodromdardy turǵyzý, sporttyq nemese medısınalyq qural-jabdyq satyp alý isin tikeleı qolǵa alamyz, – deıdi «Birinshi bolý - batyldyq» korporatıvti qorynyń dırektory Saltanat Qazybaeva
О́tken jylǵy marafonda jınalǵan 16 mıllıon teńge tutastaı qaıyrymdylyq maqsatta jumsalǵan. Uıymdastyrýshylar bıyl qaıyrymdylyq sharasyna 26 mıllıon teńge bólýdi josparlap otyrǵandaryn aıtady.
Arman OKTIаBR,
«Egemen Qazaqstan»
ALMATY
