Aýdanda «Nátıjeli jumyspen qamtýdy jáne jappaı kásipkerlikti damytý» baǵdarlamasy boıynsha 41 qatysýshyǵa shaǵyn nesıe berildi.
Al, ótken jyly aýdan aýmaǵyna ońtústik óńirlerden 35 otbasy jáne 2 oralman otbasy kóship kelgen. Qonys aýdarýshylardyń 49-y jumyspen qamtylyp, 20 adam kásipkerliktiń negizderi boıynsha bilim alsa, 3 adamǵa shaǵyn nesıe berilipti. Mektepter 80 oqýshymen tolyqty.
Bul kúnderi qonys aýdarýshylarǵa memleketten bólinetin jeńildiktermen birge, oblys ákiminiń tapsyrmasymen Ońtústik óńirlerden kóship kelgender men oralmandardy qysqy ýaqytta kómirmen qamtamasyz etý jumystary qolǵa alyndy.
Aýdan ortalyǵynda elimizdegi «Nátıjeli jumyspen qamtý jáne Jappaı kásipkerlikti damytý baǵdarlamasynyń» II-baǵyty boıynsha «Bıznes-Bastaý» jobasymen 53 adam arnaıy kýrstardan ótipti.
Bul kúnderi nesıe alǵan kásipkerler saýdamen dáne ártúrli kásippen shuǵyldanady.
Aýdanda 23 mektep, 10 aralas, 13 qazaq mektebi bar. Aýyldardaǵy turǵyndar sany da, mektepterde bala sany da jyl saıyn azaıýda. Osy 23 mektepte oqıtyn sany bar-joǵy 1746 oqýshy ǵana.
Sonymen birge, 2018 jyly «Dıplommen-aýylǵa!» baǵdarlamasy boıynsha aýdanǵa 30 jas maman kelip, 27-sine 70 AEK kóleminde kótermeaqy tólenip, 20 mamannyń baspana satyp alýyna 51,6 mıllıon teńgelik bıýdjettik nesıe berilgen.
Farıda BYQAI,
«Egemen Qazaqstan»
PAVLODAR
