Buǵan deıingi zertteýlerde 35 jas shamalaryndaǵy analardyń sábıleri 2,5 keliden tómen bolǵan jáne merziminen buryn (37 aptadan tómen) dúnıe esigin ashatyn.
Dáriger-ǵalymdar 1987-2000 jyldary aralyǵynda 35 jastan asyp, dúnıege salamatty sábı ákelgen myńdaǵan fınniń ómirine qarap, jas ulǵaıǵan kezde dúnıege sábı ákelý qaýipti degen qalyptasyp qalǵan túsiniktiń jalǵandyǵyna kóz jetkizgen.
Demografııalyq zertteýler ınstıtýty dırektorynyń sózine qaraǵanda, ómirge 7 aılyq bala ákelý qyryqtan asqan analarda 25-29 jastaǵy analarǵa qaraǵanda eki ese joǵary.
Biraq mamandar saý sábı ákelý eń aldymen ananyń kútimine baılanysty ekenine basty nazar aýdaryp otyr. Aýyr kóterý, kóńilsiz júrý, stress alý – bári de anamen qosa qursaqtaǵy nárestege de áser etedi. «Áıel adam ana bolýy úshin jasyn ýaıymdamaý kerek. Odan da minezin, ádetin oılasyn. Ana bolý eshqashan kesh emes» deıdi London ekonomıkalyq mektebiniń zertteýshisi Alısa Gozıs.
Daıyndaǵan Bilim ARYQBAI
