Bir rettik ydystardan bas tartýǵa araldyń ekologııalyq jaǵdaıynyń nasharlaýy sebep boldy. Karıb teńizi ýnıversıtetiniń rektory Frıns Pınnoktyń aıtýynsha, jańbyrdan soń aral astanasy Kıngston plastıkalyq bótelkeler men paketterge tolyp ketedi. Al olar jergilikti flora men faýnanyń ómiri úshin qaýipti.
«Bizdiń ekonomıkamyz tikeleı týrızmge baılanysty. Sondyqtan jaǵajaılarymyzdy kútýimiz qajet. Al plastık jaǵajaılarǵa óz zararyn tıgizip úlgerdi» deıdi ýnıversıtet rektory. Buǵan qosa Iаmaıkada qoqysty suryptaý mádenıetin qalyptastyrǵysy keletinin de aıtyp ótti.
Sońǵy kezderi birqatar memleket plastıkten bas tartyp jatyr. Túrkııa Respýblıkasy jańa jyldan bastap polıetılen qoldanysyn azaıtý úshin dúkenderde tegin usynylatyn paketterdi sata bastady. Sol sııaqty Eýroodaq ta plastıkten jasalǵan turmystyq zattardy qoldanbaý týraly dırektıvaǵa qol qoıdy.
Al Ońtústik Koreıa polıetılen paketterdi satyp, qoldanǵandarǵa 2,7 myń AQSh dollary kóleminde aıyppul salatyn boldy. Bul elderdiń qataryn Moldova toltyrmaq. Moldovanyń parlamenttik komıssııasy 2021 jyldan bastap plastık ydystardy satýǵa tyıym salatynyn habarlady.
