Jalpy bilim berý pánderi mektebi uıymdastyrǵan jobaǵa Qazaqstannyń túkpir-túkpirinen kelgen ustazdar qatysty. Olar qazaq, orys, aǵylshyn tilderin tıimdi tásildermen oqytý boıynsha tájirıbe almasyp, fabrıkasııa, falsıfıkasııa, ımpersonasııa jáne t.b zamanaýı taqyryptarda sabaq aldy.
M.S. Nárikbaev atyndaǵy KAZGIýÝ Ýnıversıtetiniń dosenti Qarlyǵash Dıýsýpbaeva: « Qazirgi zamanda bilim alýshynyń qyzyǵýshylyǵyn oıatyp, motıvasııa jasaý úshin ár oqytýshy maman, pedagog, psıholog, janashyr, qamqorshy, jeteleýshi, úlgi bolýy kerek. Básekege qabiletti maman daıyndaý úshin ózge tilderdi ekinshi, úshinshi til retinde oqytýdyń kreatıvti joldaryn paıdalanǵany jón. Solardyń biri - kıno-koých jáne affırmasııa. Kıno-koých tásilinde yqpaldy saýaldar qoıylady. Bul tásildiń maqsaty til úırenýshiniń aqyrǵy sheshimdi qabyldaýy men muqııat tyńdaýy arqyly ózdiginen oqýǵa yntalandyrý, áleýetin tolyq ashý. Affırmasııa ádisi kúndelikti qolyńyzdan keletin jáne sol sátte ómir súrip jatqanyńyzdy rastaıtyn, jaqsy sózdermen jumys jasaýǵa negizdeledi».
Pedagogıkalyq sheberlik qysqy mektebiniń baǵdarlamasy aıasynda APA Style», «Dáleldi sóz», «Kınokoých», «Jeke brendıng», «Netvorkıng», «Interaktıvti ádister», «CLIL», «Academic reading and useful apps», «Helping students avoid plagiarism», «Paraphrasing skills», «Students’ work in groups : assessment criteria», «Computer-assisted language learning» taǵy da ózge taqyryptar boıynsha semınar-trenıngter ótkizildi. Shaqyrylǵan qonaqtar qatyrynda affırmasııanyń sheberi, psıholog, Phd doktory Bota Baıtýkbaeva, oratorlyq sheberlik ortalyǵynyń treneri Tolqyn Amanbek jáne Qazaqstanda jeke brendıngtiń negizin qalap júrgen Aıjan Qımanova bar.
Astana, Semeı, Jezqazǵan, Qaraǵandy, Kókshetaý, Pavlodar jáne Qyzyljardan kelgen (Petropavl) orta jáne joǵary oqý oryndary ádiskerleri, psıholog mamandary, ustazdary qysqy mektepten alǵan tájirıbesimen shákirtterimen bólispek nıette.
