Tennıs • 16 Qańtar, 2019

Záýresh Aqasheva: ústel tennısinen Reseı sýperlıgasy úlken tájirıbe syılady

515 ret

kórsetildi

1 mın

oqý úshin

Ústel tennısinen elimizdegi betkeustar sportshylardyń biri Záýresh Aqasheva ulttyq quramaǵa irikteý týrnırinde jeńilis tapty. Olympic.kz saıtyna shaǵyn suhbat bergen ol bul sátsizdiktiń sebebin túsindirgen bolatyn.

Egemen Qazaqstan

Záýresh Aqasheva: ústel tennısinen Reseı sýperlıgasy úlken tájirıbe syılady

- Jańa jyl bastalǵan boıda erler men áıelder arasynda ulttyq quramaǵa irikteý týrnıri ótti. О́kinishke qaraı, eki jarys kúninde de men 4-shi orynnan kórindim. Bir sózben aıtqanda, bul aıtarlyqtaı jaqsy nátıje emes. Degenmen, munymen toqtap qalmaımyn. Aldaǵy jarystarǵa tyńǵylyqty túrde daıyndalamyn. Kópshilik oılaǵandaı, bizde jańa maýsym endi bastalǵan joq. Maýsymnyń shymyldyǵy sonaý kúzde ashyldy. Bul tek jalǵasy, - deıdi tennısshi.

Záýresh Aqasheva Reseı sýperlıgasynda oınaýdyń artyqshylyqtary jóninde de oı bólisti.

- Biz «Astana» komandasy sapynda Reseı sýperlıgasynda eki týr oıyndaryn ótkizdik. Qarasha men jeltoqsan aılarynda Orynbor qalasyna baryp, úzdik reseılik komandalarǵa qarsy oınadyq. Shynymdy aıtsam, Reseıdegi komandalardyń da, oıynshylardyń da deńgeıi bólek. Básekelestik óte joǵary. Kásibı, sheber sportshylarǵa qarsy oınaý bizdi de shyńdaı túseri sózsiz. Bul bizdiń komanda úshin úlken tájirıbe, - deıdi Záýresh.

Qazaqstandyq sportshy aldaǵy ýaqytta el spartakıadasy men TOP-12 saıysynda synǵa túsedi.