Nazarbaev Ýnıversıtetiniń National Laboratory Astana (NLA) О́mir týraly ǵylymdar ortalyǵynyń ǵalymdary qurǵaq bıe súti (saýmal), ósimdik jáne metabıotıkalyq komponentter negizinde jasalǵan jańa BBQ-ónim ázirledi. Jańa ónim «Saýmet» degen jumys atyna ıe boldy. Ol jańa 2019 jyl qarsańynda ashylǵan Qaraǵandy oblysy zaýytynyń jańa óndiristik jelisinde kapsýlalar túrinde shyǵarylady. Joba «Ǵylym qory» AQ qarjylyq qoldaýymen iske asyrylady.
Ǵalymdar antıbıotıkoterapııadan keıin mıkroflorany túzetý úshin, sondaı-aq ártúrli kúızelis faktorlar men syrtqy ortanyń jaǵymsyz áserleri bolǵan kezde «Saýmet» preparatyn qoldanýdy usynady. Budan basqa, ázirleýshiler «Saýmettiń» halal standarttaryna sáıkes óndiriletinin atap kórsetedi.
– Dárilik nysandar men BBQ-qa arnalǵan kapsýlalardyń kóbi janýarlar jelatıni negizinde jasalady. Biz óndiris kezinde tek ósimdik shıkizatyn paıdalanamyz. Osylaısha, biz tek qana halal nemese vegetarıan tutynýshylardyń qalaýyn eskeremiz. Aldyn ala esepteýler boıynsha, preparattyń bir aılyq kýrsynyń quny 4 -7 myń teńgeni quraıtyn bolady. Preparattyń janama áseri joq, – dep habarlady «NLA» О́mir týraly ǵylym ortalyǵy Adam mıkrobıomy jáne uzaq ómir súrý zerthanasynyń aǵa ǵylymı qyzmetkeri Samat Qojahmetov.
«Saýmet» BBQ kapsýlalar bıyl jyl ortasyna qaraı satylymǵa túsedi dep josparlanýda. Ǵalymdar qazirdiń ózinde ósimdik syǵyndylarymen, polıvıtamındermen jáne t.b. baıytylǵan «Saýmet» negizinde jańa ónimder shyǵarýdy josparlap otyr.
