Qazaqstan Respýblıkasy Ulttyq Bankiniń resmı habary

Senbi, 7 qańtar 2012 7:30

Almaty       2012 jylǵy 7 qańtar

D.A. Qonaevtyń týǵanyna 100 jyl tolýyna arnalǵan  eskertkish monetalardy aınalysqa shyǵarý týraly

«Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń № 2155  Zańy­na sáıkes Qazaqstan Respýblıkasynyń Ult­tyq Banki 2012 jylǵy 7 qańtarda D.A. Qo­naevtyń týǵanyna 100 jyl tolýyna arnal­ǵan  kúmisten jasalǵan nomınaly 500 teń­ge­lik jáne neızılber qospasynan jasal­ǵan nomınaly 50 teńgelik eskertkish monetalardy aınalysqa shyǵarady.

Senbi, 7 qańtar 2012 7:30

Almaty       2012 jylǵy 7 qańtar

D.A. Qonaevtyń týǵanyna 100 jyl tolýyna arnalǵan  eskertkish monetalardy aınalysqa shyǵarý týraly

«Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń № 2155  Zańy­na sáıkes Qazaqstan Respýblıkasynyń Ult­tyq Banki 2012 jylǵy 7 qańtarda D.A. Qo­naevtyń týǵanyna 100 jyl tolýyna arnal­ǵan  kúmisten jasalǵan nomınaly 500 teń­ge­lik jáne neızılber qospasynan jasal­ǵan nomınaly 50 teńgelik eskertkish monetalardy aınalysqa shyǵarady.

Eskertkish kúmis monetanyń sıpattamasy:

Monetanyń nysany segiz qyrly.

Monetanyń bet jaǵynda (aversinde) or­talyq bóliginde Qazaqstan Respýblıka­sy­nyń eltańbasy jáne Qazaq KSR eltańbasy beınelengen.   Tómengi bóliginde  eki jolǵa o­r­nalasqan jáne monetanyń nomınalyn bil­diretin «500 TEŃGE» degen jazý. Nomı­naldyń sol jaǵynda  moneta daıyndalǵan metaldy, onyń synamyn bildiretin «Ag 925», oń jaǵynda monetanyń massasyn bil­diretin – «31,1 gr.» degen jazý ornalasqan. Joǵary bóliginde  - Qazaqstan teńge sara­ıynyń taýar belgisi. Monetany aınaldyra jalpaq kúńgirt jıek júrgizilgen, onyń ús­tine aınaldyra memlekettik tilde «QAZAQ­STAN RESPÝBLIKASY» jáne orys tilinde «RESPÝBLIKA KAZAHSTAN» degen jazý oıyp jazylǵan. Jazýlar núkte­lermen bólingen.

Monetanyń syrt jaǵynda (reversinde) ortalyq bólikte Dinmuhamet Ahmetuly Qonaevtyń stıldendirilgen qyrynan beınelengen sýreti aıasynda kólemdi beınesi salynǵan. Onyń astynda qoıǵan qolynyń faksımılesi men monetanyń soǵylǵan jylyn bildiretin  «2012» degen san. Oń jaq bóliginde aınaldyra memlekettik tilde «D.A. Qonaev 100 jyl» degen jazý jáne Qazaqstan Respýblıkasy Ulttyq Bankiniń logotıpi ornalasqan.

Monetanyń bet jaǵyndaǵy jáne syrt jaǵyndaǵy beıneler men jazbalar bederlengen.

Qyry (gýrty) tegis, bedersiz jáne jazý joq.

Moneta  925 synamdy kúmisten daıyn­dal­ǵan, massasy – 31,1 gramm, dıametri – 38,61 mm, daıyndalý sapasy – «proof», taralymy  – 5 myń dana.

Neızılber qospasynan jasalǵan es­kertkish monetanyń sıpattamasy:

Monetalardyń bet jaǵynda (aversinde) joǵary bóliginde Qazaqstan Respýblıka­sy­nyń eltańbasy beınelengen. Eltańba beı­ne­siniń oń jaǵynda  «QUB»  abbrevıatýrasy ornalasqan. Tómengi bóliginde mone­ta­nyń nomınalyn bildiretin «50 TEŃGE» degen jazý bar. Nomınaldyń sol jáne oń jaǵynda ulttyq oıý-órnek elementi beınelengen. Aınaldyra memlekettik tilde «QA­ZAQSTAN ULTTYQ BANKI» degen jazý jáne shyǵyńqy jıek júrgizilgen.

Monetanyń syrt jaǵynda (reversinde) ortalyq bóliginde Dinmuhamet Ahmetuly Qonaevtyń qyrynan keskindelgen beınesi. Monetanyń joǵary bóliginde aınaldyra memlekettik tilde «D.A. QONAEV» degen jazý, tómengi bóliginde – týǵan jyly men monetanyń soǵylǵan jylyn bildiretin «1912-2012» degen sandar ornalasqan.  Aınaldyra monshaq tárizdes doǵa jáne shyǵyńqy jıek júrgizilgen.

Monetanyń bet jaǵyndaǵy jáne syrt ja­ǵyndaǵy sýretter jáne jazbalar bederlengen.

Qyry (gýrty) bederli.

Moneta «neızılber» qospasynan ja­sal­ǵan, dıametri – 31 mm, massasy – 11,17 gramm, taralymy – 50 myń dana.

Nomınaly 500 jáne 50 teńgelik es­kert­kish monetalar Qazaqstan Respýblıkasynyń búkil aýmaǵynda kórsetilgen qunymen tó­lemniń barlyq túrleri boıynsha, sondaı-aq shottarǵa, salymdarǵa, akkredıtıvterge es­epteý úshin jáne aýdarym jasaý úshin qa­byldanýǵa mindetti, Qazaqstan Respýblıka­synyń barlyq bankterinde shekteýsiz usaqtalady jáne aıyrbastalady.

Qazaqstan Respýblıkasy Ulttyq Bankiniń osy resmı habarǵa túsiniktemesi

2012 jylǵy 12 qańtarda Dinmuhamet Ah­met­uly Qonaevtyń týǵanyna 100 jyl tolady.

Dinmuhamet Ahmetuly Qonaevtyń ǵa­lym, akademık, kórnekti memleket qaırat­ke­ri retindegi búkil eńbek joly memlekettiń jáne búkil kópultty Qazaqstan halqynyń gúldenýine baǵyttaldy.

Eskertkish monetalardy «Qazaqstan Res­pýblıkasy Ulttyq Bankiniń Qazaqstan teń­ge saraıy» sharýashylyq júrgizý qu­qy­ǵy bar respýblıkalyq memlekettik kásip­or­ny daıyndaǵan.

Monetalardyń dızaıny Qazaqstan Res­pýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekit­il­gen Ulttyq valıýta – Qazaqstan teńgesi bank­nottary men monetalary dızaınynyń tujyrymdamasyna sáıkes ázirlengen.

Eskertkish monetalardyń bir myń danasy satý úshin arnaıy termovakýýmdy  plas­tık oraýmen shyǵarylǵan.

Monetalardy Qazaqstan Respýblıkasy Ulttyq Bankiniń barlyq fılıaldarynda, Almaty qalasynda myna mekenjaı boıynsha satyp alýǵa bolady: Panfılov kóshesi, 98. Anyqtama úshin telefony (727) 273-83-98.