Taraptar eki el arasyndaǵy yntymaqtastyqty damytýdyń ózekti suraqtaryn talqylady.
Májilis Spıkeriniń pikirinshe, bizdiń elderimiz Prezıdentteri Nursultan Nazarbaev pen Sooronbaı Jeenbekovtiń ózara túsinistik pen dostyqqa negizdelgen, birlesken jumystarynyń nátıjesinde búginde ekijaqty jáne kóp qyrly yqpaldastyqty nyǵaıtýdyń joǵarǵy kórsetkishterine qol jetkizildi.
Aldaǵy ýaqytta da Qazaqstan úshin baýyrlastyq, strategııalyq áriptestikti odan ári tereńdetý mańyzdy bolyp qala bermek.
Osy rette N. Nyǵmatýlın eki el ratıfıkasııalaǵan qazaq-qyrǵyz memlekettik shekarasyn shegendeý týraly Shart ózara senim men tatýkórshilik qatynasty nyǵaıtýǵa jol ashatynyn atap ótti.
О́z kezeginde Qyrǵyz elshisi qos memleket Kóshbasshylarynyń syndarly saıasatynyń arqasynda elderimiz arasyndaǵy baılanys basqa elderge úlgi bolarlyq deńgeıde damyp kele jatqanyn, bolashaqta da Qazaqstan men Qyrǵyzstan arasyndaǵy yntymaqtastyq áleýetiniń zor ekenin aıtty.
Odan ári taraptar, barlyq baǵytta, sonyń ishinde, parlamentaralyq qarym-qatynasty kúsheıtýdiń mańyzdylyǵyna toqtaldy.
Kezdesý barysynda Palata Spıkeri Qazaqstan Prezıdentiniń eýrazııalyq ıdeıasynyń 25 jyldyǵyna oraı Astanada, qyrkúıekte Eýropa jáne Azııa elderi parlamentteri spıkerleriniń Tórtinshi keńesi ótetinin aıtyp, oǵan qatysýǵa qyrǵyzdyq áriptesterin de shaqyrdy.
N. Nyǵmatýlın jańadan qyzmetine kirisken elshige depýtattyq korpýs atynan tabys tiledi.
