Rota-taktıkalyq toptardyń oqý-jattyǵýlary Aqtaý men Aqtóbe qalarynyń mańynda ornalasqan «Oımasha» jáne «Eset batyr» áskerı polıgondarynda kúndizgi jáne túngi ýaqyttarda ótkizilýde. Jattyǵýlardyń basty maqsaty men tapsyrmasy – biriktirilgen bólimsheler men quramalardyń ortaq tapsyrmany oryndaý kezindegi úılesimdiligin baǵalaý, rota-taktıkalyq top quramynda jumys jasaýdy úırený jáne osyndaı biriktiriligen topty basqarý kezinde komandırlerdiń mashyqtylyǵy men tájirıbesin arttyrý bolyp tabylady.
Rota-taktıkalyq toptardyń quramy, olarǵa qoıylǵan tapsyrmaǵa baılanysty jasaqtalady. Bur rette olar birigip marsh jasap, qorǵanys ádisterin oryndap, shabýyldaý amaldaryn pysyqtaýmen qosa, basqa da is-qımyldardy jasaıdy. Osy oqý-jattyǵýdy ótkizý barysynda qosymsha túrde jeke quramnyń rotanyń tirek pýnktin ınjınerlik jasaqtalýy, radıasııalyq, hımııalyq jáne bıologııalyq qorǵanys pen materıaldyq-tehnıkalyq qamtamasyz etilýi boıynsha synaqtardy tapsyrý qarastyrylǵan. Motoatqysh jáne teńiz jaıaý áskeri rotalarynyń oqý-jattyǵýlaryn ótkizý kezinde, olarǵa tank, artıllerııa jáne qamtamasyz etý bólimsheleri beriledi. Bulardyń barlyǵýna rota komandıri jeke tapsyrma qoıyp, olarǵa basshylyq etýine baılanysty, bul rota-taktıkalyq toby dep atalǵan.
Atalmysh oqý-jattyǵýlardy ótkizýge arnalǵan ýaqyttyń 24 saǵaty jaýyngerlik urystyń dınamıkasyn pysaqtaýǵa biriledi, onyń ishinde 30% túngi ýaqytta ótkizýge bólingen. Rota-taktıkalyq toptardyń oqý jattyǵýlary 25 qańtarda aıaqtalady.
Gúlaıym ShYNTEMIRQYZY,
Egemen Qazagstan
Mańǵystaý oblysy
