Ol 60 sportshynyń ishinen márege besinshi bolyp keldi. Úshinshi oryn alǵan sportshydan nebári 8 sekýndqa qalyp qoıǵan.
«Jarys joly jaman emes. Árıne, ońaı bolmaǵany ras. Men meıilinshe jaqsy nátıje kórsetsem dedim. Iá, qola medalǵa qol sozatyn múmkindik te bolǵan. Úshinshi oryndaǵy sportshydan 8 sekýndqa utyldym. Bul sport degennen basqa aıtarym joq. Mundaı jaqsy nátıje kórsetkenim meni odan ári rýhtandyra túsedi. Shyny kerek, qatty qobaljydym. Emosııaǵa erik bergenim sonsha, túni boıy kóz ilmedim. Tezirek jarys alańyna shyǵyp, júıkemdi tynyshtandyrý úshin tańnyń atqanyn kúttim», - deıdi Valerııa.
Sportshynyń aıtýynsha, júldege iligý úshin shekten tys qobaljý da keri áserin tıgizgen.
«Qazir ekiudaı sezimdemin. Bir jaǵynan úzdik bestikke engenim qýantady. Ekinshi jaǵynan medalǵa qol sozym jerden toqtaǵanyma ókinemin. Eger qatty qobaljymaǵanda, mundaı bolmas edi. Maǵan jankúıer bolǵan barshańyzǵa alǵys aıtamyn! Endi 25 qańtar kúni 15 shaqyrymǵa klassıkalyq ádispen jarysamyz», - dedi Tıýlenova.
