Áleýmettik júkterdi, sonyń ishinde bıdaı jáne untaq ónimderin tasymaldaýdy qamtamasyz etý «QTJ» UK» AQ jumysynyń basymdyqty baǵyttarynyń biri bolyp tabylady. Máselen, aǵymdaǵy jyly qańtar aıynyń basynan beri 872,4 myń tonna astyq tasymaldansa, bul 2018 jyldyń sáıkes kezeńimen salystyrǵanda 8,9% artyq. Bul rette 190 myń tonna untaq ónimderi, sonyń ishinde eksportqa 134 myń tonna un tasymaldanǵan.
«QTJ – Júk tasymaly» AQ basqarma tóraǵasy Qaırat Saýyrbaev atap ketkendeı, júk jóneltýshilerdi vagondarmen qamtamasyz etý – erekshe baqylaýda, al áleýmettik mańyzdy júkterdi tasymaldaý tolyq kólemdi oryndalýda.
Qazaqstan astyq óńdeýshiler odaǵynyń prezıdenti Evgenııa Gananyń aıtýynsha, «astyq pen un tasymaly úshin qańtar ádettegideı tynysh aı bolyp tabylady, al 2018 jyldyń qarashasy men jeltoqsany tasymaldyń joǵary shegi boldy». Ol sondaı-aq Túrkmenstan arqyly jańa baǵytty damytýdyń mańyzyn atap ketti.
2018 jyly 11,5 mln. tonna astyq tıelse, bul 2017 jyldyń deńgeıinen 35% assa, sonyń ishinde eksport – 8,8 mln. tonnany qurap, 2017 jyl kórsetkishinen 52% artyq. Untaq ónimi 3,5 mln. tonnaǵa tıelse, bul 2017 jyl deńgeıinen 3% artyq.
Keńes barysynda taraptar óńirler boıynsha untaq ónimderin tasymaldaý týraly aı saıynǵy negizde málimetter almasý jóninde ýaǵdalasty.
