Chehııanyń Ostrava qalasynda ótken sońǵy týrda astanalyqtar Mınskiniń «Smokı» jáne jergilikti «SBS» komandarymen kezdesken bolatyn.
Birinshi oıynda astanalyqtar 49:68 esebimen Belarýs komandasyna jol berdi. Al ekinshi matchta alań ıelerinen 74:55 esebimen basym tústi.
Dese de, toptan shyǵý úshin bul jeńis jetkiliksiz edi. Astanalyq komanda jalpy týrnır barysynda eki ret jeńiske jetip, bes ret jeńiliske ushyrady. Qorytyndy kestede 6-shy orynda tur.
Eske sala keteıik, 2015/2016 jylǵy maýsymda «Astana Taıgers» klýby «Eýropa áıelder basketbol lıgasynyń» qola júldesin ıelendi. Keıin komanda basshylyǵy sheteldik oıynshylardan bas tartyp, klýb tolyǵymen jergilikti oıynshylardan jasaqtalǵan bolatyn.
Búginde «Taıgerstiń» 90 paıyzy ulttyq qurama múshelerinen quralǵan.
