Qazaqstan Respýblıkasynyń Ulttyq banki Basqarmasynyń qaýlysy № 212

Beısenbi, 26 qańtar 2012 7:05

Almaty qalasy, 2011 jylǵy 26 jeltoqsan                    

Qazaqstan Respýblıkasynyń Ulttyq Banki Basqarmasynyń «Aınalystaǵy ulttyq valıýtanyń aqsha belgileriniń dızaıny (nysany) ózgergen kezde olardy aýystyrý erejesin bekitý týraly» 2000 jylǵy 20 shildedegi № 301 qaýlysyna ózgerister engizý týraly

Beısenbi, 26 qańtar 2012 7:05

Almaty qalasy, 2011 jylǵy 26 jeltoqsan                    

Qazaqstan Respýblıkasynyń Ulttyq Banki Basqarmasynyń «Aınalystaǵy ulttyq valıýtanyń aqsha belgileriniń dızaıny (nysany) ózgergen kezde olardy aýystyrý erejesin bekitý týraly» 2000 jylǵy 20 shildedegi № 301 qaýlysyna ózgerister engizý týraly

«Qazaqstan Respýblıkasynyń Ult­tyq Banki týraly» 1995 jylǵy 30 naýryzdaǵy Qazaqstan Respýblı­kasy­nyń Zańyna sáıkes jáne ulttyq valıýta aqsha belgileriniń dızaıny (nysany) ózgergen kezde olardy aınalystan alý boıynsha ońtaıly jumysqa qol jetkizý maqsatynda Qazaqstan Respýblıkasy Ulttyq Bankiniń Basqarmasy qaýly etedi:
1. Qazaqstan Respýblıkasynyń Ult­­tyq Banki Basqarmasynyń «Aı­na­lystaǵy ulttyq valıýtanyń aqsha belgileriniń dızaıny (nysany) óz­gergen kezde olardy aýystyrý ere­jesin bekitý týraly» 2000 jylǵy 20 shildedegi № 301 qaýlysyna (Nor­matıvtik quqyqtyq aktilerdi mem­lekettik tirkeý tiziliminde № 1232 tirkelgen, «Egemen Qazaqstan» ga­ze­tinde 2000 jylǵy 29 tamyzda № 211 jarııalanǵan) mynadaı ózgeris­ter engizilsin:
kórsetilgen qaýlymen bekitilgen Aınalystaǵy ulttyq valıýtanyń aqsha belgileriniń dızaıny (nysany) ózger­gen kezde olardy aýystyrý erejesinde:
3-tarmaqtyń 6) tarmaqshasy mynadaı redaksııada jazylsyn:
«6) ekinshi deńgeıdegi bankter – ekinshi deńgeıdegi bankter jáne bank operasııalarynyń jekelegen túrle­rin júzege asyratyn uıymdar.»;
8-tarmaqtyń úshinshi bóligi mynadaı redaksııada jazylsyn:
«Ulttyq Bank Ulttyq Bank Bas­qar­masynyń qaýlysy qoldanysqa engizilgen kúnnen bastap bir aı mer­zimde Ulttyq Banktiń fılıaldaryna, shet elderdiń ortalyq (ulttyq) bank­terine jáne qarjy polısııasy organdaryna aınalystaǵy ulttyq valıý­tanyń aqsha belgilerin aýystyrý talaptary men merzimderin nazarda ustaý úshin jiberedi, jańa úlgidegi aqsha belgileriniń sıpattamasy men úlgilerin jiberedi.»;
11-tarmaq alyp tastalsyn;
15-tarmaq mynadaı redaksııada jazylsyn:
«15. Ulttyq Banktiń fılıaldary Erejeniń 13-tarmaǵynda belgilengen merzim ótkennen keıin 3 (úsh) jyl ishinde jeke jáne zańdy tulǵalardan eski úlgidegi aqsha belgilerin qabyl­daıdy jáne qoldanystaǵy aqsha bel­gilerine aýystyrady.».
Qabyldanǵan aqsha belgileriniń tólemdiligi Qazaqstan Respýblıka­synyń Ulttyq Banki Basqarmasynyń «Qazaqstan Respýblıkasy ulttyq valıýtasynyń banknottary men mo­netalarynyń tólemdiligin anyqtaý erejesin bekitý týraly» 2003 jylǵy 26 jeltoqsandaǵy № 477 qaýlysynda (Normatıvtik quqyqtyq aktilerdi memlekettik tirkeý tiziliminde № 2689 tirkelgen) belgilengen tártip­pen aıqyndalady.».
2. Osy qaýly alǵashqy resmı ja­rııalanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Ádi­let mınıstrliginde 2012 jylǵy 19 qańtarda №7388 tirkelgen.