Sharany Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Georgıı Kım ashty.
«Jábirlenýshilerge ótemaqy qory týraly» 2018 jylǵy 10 qańtarda qabyldanǵan zań qylmystyq quqyq buzýshylyqtardyń jekelegen quramy boıynsha jábirlenýshilerge bastapqy birjolǵy ótemaqy tóleý, Jábirlenýshilerge ótemaqy qoryn qurý arqyly ótemaqy tóleýdiń quqyqtyq, áleýmettik jáne uıymdyq negizderin belgileý salasynda týyndaıtyn qatynastardy retteýge baǵyttalǵan.
Qujat jábirlenýshilerdiń quqyqtaryn qorǵaý tetigin qalyptastyrý, olarǵa jáne olardyń zańdy ókilderine belgilengen materıaldyq kómek kórsetý, sondaı-aq qarjylandyrý jáne О́temaqy qoryndaǵy qarjy resýrstaryn shoǵyrlandyrý arqyly qarajattardy tóleý tártibin júıelendirý úshin qolaıly quqyqtyq sharttardy qalyptastyrady.
Barlyq erejeler qoldanysqa engizilgennen keıin zań jábirlenýshilerdiń quqyqtary men zańdy múddelerin qorǵaýdy kúsheıtýge jáne sonyń nátıjesinde turǵyndardyń qylmystyq tergeý jáne sot organdaryna seniminiń artýyna alyp keledi.
«Jábirlenýshilerge ótemaqy qory týraly» zańdy iske asyrýǵa baılanysty máseleler boıynsha Qarjy mınıstriniń orynbasary Tatıana Saveleva, Qylmystyq ister jónindegi sot alqasynyń tóraǵasy Abaı Rahmetýlın men Bas prokýrordyń orynbasary Marat Ahmetjanov sóz sóıledi.
Otyrysqa Ulttyq qaýipsizdik komıtetiniń, Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy kúres boıynsha ulttyq bıýronyń, sondaı-aq ishki ister jáne qorǵanys mınıstrlikteriniń ókilderi qatysty.
Otyrys qorytyndysy boıynsha jýrnalısterge suhbat bergen Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Georgıı Kım osy zań Elbasynyń halyqtyń ál-aýqatyn arttyrýǵa baǵyttalǵan Qazaqstan halqyna Joldaýyn oryndaý maqsatynda qabyldanǵanyn atap ótti. Bul qujatty iske asyrý barysynda týyndaıtyn máselelerdi senatorlardyń bilýi mańyzdy bolyp otyr jáne tıisti memlekettik organdar bul máselelerdiń sheshimin tabýy tıis. «Salalyq komıtet retinde bizdiń komıtetke Qordyń jaǵdaıy qandaı ekenin anyqtaý óte mańyzdy. Biz budan bylaıǵy zerdeleý men pysyqtaýdy qajet etetin mańyzdy quqyqtyq erekshelikterdi anyqtadyq. Zańdy qabyldaý kezinde ázirleýshiler aldynda turǵan mindetti sheshýi úshin Qordy qarjylandyrý kózderi týraly eń basty másele týyndaıdy. Tólemderge baılanysty tetikter týraly Qarjy mınıstrligine, Qor operatoryna suraqtar qoıyldy. Otyrysta aıtylǵan barlyq eskertýler men usynystardy komıtet usynym retinde ázirlep, ýaqtyly pysyqtaý úshin tıisti memlekettik organdarǵa joldaıtyn bolady», - dedi G.Kım.
