Birlik – basty qundylyq

Juma, 7 jeltoqsan 2012 7:03

Bul – Atyraýdaǵy etnos ókilderi ustanatyn basty qaǵıda

Atyraýda da ózge ulttyń ókilderi bar. Árıne, oblys halqynyń paıyzdyq úlesine shaqqanda az bolǵanymen, jergilikti turǵyndarmen tonnyń ishki baýyndaı aralasyp júredi. Tipti, qazaqtarmen qudandaly bolyp otyrǵandary da jetedi. Qazaq tilin jetik meńgerip, halqymyzdyń tarıhyna tereń úńilgen, ulttyq ónerimizdiń qaınarynan sýsyndap júrgen ózge ulttyń ókilderi de joq emes.

Juma, 7 jeltoqsan 2012 7:03

Bul – Atyraýdaǵy etnos ókilderi ustanatyn basty qaǵıda

Atyraýda da ózge ulttyń ókilderi bar. Árıne, oblys halqynyń paıyzdyq úlesine shaqqanda az bolǵanymen, jergilikti turǵyndarmen tonnyń ishki baýyndaı aralasyp júredi. Tipti, qazaqtarmen qudandaly bolyp otyrǵandary da jetedi. Qazaq tilin jetik meńgerip, halqymyzdyń tarıhyna tereń úńilgen, ulttyq ónerimizdiń qaınarynan sýsyndap júrgen ózge ulttyń ókilderi de joq emes.

Atyraýdaǵy san alýan etnos ókilderi oblys ákimi Baqtyqoja Izmuhambetovtiń tóraǵalyǵymen ótken oblystyq Qazaqstan halqy Assambleıasynyń XVI sessııa­syn­d­a «Tuńǵysh Prezıdent kúni. Táýelsizdik. Elbasy. Birlik» ta­qy­rybynda óz oılaryn ortaǵa saldy.

– Qazaqstannyń jetken jetistigi de, táýelsiz memleket irge­si­niń nyǵaıýy da – Elbasynyń je­ńi­si. Kóp ultty Qazaqstan hal­qyn tatýlyqqa úndep, saıası tu­raq­tylyqtyń saqtalýyna yqpal etken Nursultan Nazarbaevtyń memleket qalyptastyrýdaǵy tá­ji­rıbesi ózge elderge de ónege bo­lady, – dedi Atyraý oblysyn­daǵy ózge ult ókilderiniń kezekti basqosýyna arnaıy qatysqan Qa­zaqstan halqy Assambleıasy Tó­r­aǵasynyń orynbasary-hatshy­lyq meńgerýshisi Eraly Toǵja­nov.

Budan keıin sóz alǵan Jyly­oı aýdanynyń ákimi Maksım Izbasov «Táýelsiz eldegi birlik pen tatýlyq – eren isterge bastar alǵyshart. Bul oraıda Tuńǵysh Prezıdentimiz Nursultan Nazarbaev táýelsizdigimizdi baıandy etti. Memlekettiliktiń irgesin ny­ǵaıt­ty. Halqymyzda «Yrys yn­tymaqqa jolyǵady, dáýlet birlikpen tolyǵady» deıtin dana­lyq naqyl bar. Eldiń birligi men tatýlyǵy artqan saıyn jemisti jeńisterimiz molaıa túsýde. So­nyń mysalyn Jylyoı aýdany­nyń tynys-tirshiliginen baıqaýǵa bolady. Bizdiń aýdanymyzda da burynnan ózge etnos ókilderi mekendese, endi  «Teńizshevroıl­daı» birlesken kásiporynda alys shetelderden kelgen san ulttyń ókilderi eńbek etedi. Olardyń arasynda aǵylshyn men túrik, ún­dis pen fılıppın sekildi bu­ryn bizdiń jerimizge tabany tı­megen birneshe halyqtyń ókilderi bar. Tilderi bólek bolǵanmen, jú­rekpen uǵynysqan báriniń kóz­degeni – tatýlyq pen birlik», dedi.

Tatýlyq pen birliktiń qadirin basqa ulttyń ókilderi de biledi. Sonyń ishinde qazaq halqynyń keńpeıildigi men qonaqjaılyǵy arqasynda talaı qıyndyqty eńsergen koreı ultynyń ókilderi ózgelerinen bólekshe sezinedi. «Thonıl» koreı etnomádenı birlestigi tóraǵasynyń orynbasary Arkadıı Kımniń aıtýynsha, qa­zaq halqynyń meıirbandyǵynyń arqasynda koreıler ózderin ult retinde saqtap qaldy. Endi, mine, Elbasy saıasatynyń arqasynda ár ult óziniń ulttyq tarıhy  men ádebıetin tereńirek tanýyna, tili men ónerin keńirek damytýyna qoldaý jasalyp otyr.

Orys, slavıan jáne kazaktar qaýymdastyǵy oblystyq fılıa­ly­nyń tóraǵasy Vladımır Zavertkın men «Kaspıan dıvelopment kompanı» JShS basshysy Aron Mıtıýdiń de pikiri «Ta­tý­lyq bar ıgiliktiń bastaýy bola alady. Birligi jarasqan elde ǵana turaqtylyq ornaıdy» degenge toǵysty.

Assambleıa sessııasynyń qo­rytyndysynda oblys halqyna arnalǵan úndeý qabyldandy. «Tuń­ǵysh Prezıdent – Ult kósh­bas­shysy Nursultan Nazar­baev­tyń biriktirý ıdeıasynyń arqa­synda ulttyq, tildik, dinı, má­de­nı ortanyń ár alýandyǵyn qu­raı­tyn Qazaqstan halqy birlik atty qundylyq tóńiregine top­tas­ty. Sondyqtan eń qasterli qa­zynamyz – táýelsizdigimizdi kóz­diń qarashyǵyndaı saqtap, memlekettiligimizdi nyǵaıta berý úshin eń áýeli birlik qajet!» delingen úndeý mátininde.

Joldasbek ShО́PEǴUL,

«Egemen Qazaqstan».

Atyraý oblysy.