«Jahandaný dáýirindegi sıfrlyq kún tártibi 2.0.» forýmy aıasynda Belarýs Premer-Mınıstri – S. Rýmas, Qazaqstan Premer-Mınıstri – B. Saǵyntaev, Qyrǵyzstan Premer-Mınıstri – M. Abylgazıev, Reseı Premer-Mınıstri – D. Medvedev jáne Armenııa Vıse-Premeri – M. Grıgorıan men EEK Alqa tóraǵasy T. Sarkısıannyń, sondaı-aq halyqaralyq sarapshylardyń qatysýymen plenarlyq sessııa ótedi.
Qatysýshylar Eýrazııa tehnoparkterin ıntegrasııalaýdyń alǵysharttaryn, birlesken ınnovasııalyq jobalar qurýdy talqylamaq. Sıfrlyq kún tártibindegi ózekti máseleler boıynsha pikir almasyp startap-kompanııalar men IT-salasyndaǵy jas mamandardy ilgeriletý jáne qoldaý máseleleri boıynsha tájirıbelerimen bólisetin bolady.
Sarapshylardyń pikirinshe, tehnoparkterdi halyqaralyq ıntegrasııalaýdyń basty maqsaty – elder arasyndaǵy tehnologııalyq alshaqtyqty qysqartý jáne 4-tehnologııalyq revolıýsııa ıdeıalaryn ilgeriletý. Bolashaqta halyqaralyq ıntegrasııalaý isinde ashyq tájirıbe almasýǵa ár qatysýshylardyń múmkindikterin arttyrý qajet.
Forýmdy uıymdastyrýshy – Qazaqstan Respýblıkasy Aqparat jáne kommýnıkasııalar mınıstrligi.
Arman OKTIаBR,
«Egemen Qazaqstan»
ALMATY
