Jobanyń maqsaty Almaty qalasyndaǵy mýzyka mektepteri oqýshylarynyń, stýdentterdiń jáne ustazdardyń kásibı sheberlikterin arttyrýǵa, aqparattyq jáne tájirıbelik kómek kórsetýge baǵyttalǵan.
«Qazaqstan Kameratasy» klassıkalyq mýzyka ansambli jáne Qurmanǵazy atyndaǵy Qazaq ulttyq konservatorııasy Shveısarııadan kelgen professorlardyń qatysýymen «Halyqaralyq sheberlik saǵaty» (skrıpka) birlesken jobasyn usynady.
Festıval qonaqtary retinde Vena konservatorııasynyń jáne Shveısarııadaǵy joǵary mýzyka mektebiniń professory Pavel Vernıkov, halyqaralyq baıqaýlardyń laýreaty, Lozanna joǵary mýzyka mektebiniń professory Svetlana Makarova, «Young Eurasian Soloists» kameralyq mýzyka orkestriniń kórkemdik jetekshisi jáne negizin qalaýshy Shernııaz Mýsahan, Bazel konservatorııasynyń dosenti Iаna Ozolına arnaıy shaqyrylyp otyr.
Halyqaralyq tájirıbede skrıpkashylarǵa arnalǵan sheberlik saǵattary alǵash ret kameralyq orkestrdiń súıemeldeýimen ótkizilmek.
Aıgúl AHANBAIQYZY,
«Egemen Qazaqstan»
ALMATY
