2018 jyly kóship kelýshilerdi qabyldaýdyń aımaqtyq kvotasy - 1517. Qonys aýdaratyn otbasy nemese 6363 adam dep belgilengen bolatyn. Osy jospar boıynsha bir jyl ishinde 6766 adam (1 858 otbasy) kóship, jospar 106 paıyzdyq kórsetkishpen oryndaldy. Eske sala ketsek, eńbek resýrstarynyń utqyrlyǵyn yntalandyrý úshin «Eńbek» ónimdi jumyspen qamtý jónindegi memlekettik baǵdarlama boıynsha Úkimettiń aıqyndaǵan aımaqtaryna erikti túrde qonystanǵan tulǵalarǵa memlekettik qoldaý sharalary kózdelgen.
Halyqtyń kóshi-qony týraly» týraly QR Zańyna sáıkes, qonys aýdarýshylardyń Almaty, Jambyl, Mańǵystaý, Túrkistan, Qyzylorda oblystarynan kóshýi kózdelgen. Al qonys aýdarýshylardy qabyldaý aımaqtary retinde Shyǵys Qazaqstan, Qostanaı, Pavlodar, Soltústik Qazaqstan oblystary belgilengen. «Erikti túrde qonys aýdarýshylarǵa sýbsıdııa beriledi: ıaǵnı árbir otbasy múshesine 35 AEK (88 myń teńge) kólemindegi birjolǵy tólem jáne turmystyq úı-kommýnaldyq tólemderdiń qunyn aı saıyn tóleý úshin otbasyna 12 aı ishinde 15-ten 30 AEK-ke deıin (39 myńnan 76 myń teńgege deıin) tólenedi. Budan basqa 2018 jyldan bastap, jumys berýshilerge jumysqa turaqty qabyldaǵan árbir jumysshy úshin (keminde 5 adam) 450 AEK (1 136 myń teńge) mólsherinde sýbsıdııa beriledi. Sondaı-aq kóship kelýshiler men oralmandar arasynda jańa bıznes-ıdeıalardy damytýǵa baǵyttalǵan jańa tetik te iske qosyldy. Baǵdarlama qatysýshylaryna jańa bıznes-ıdeıalardy júzege asyrý úshin 100 AEK (252 myń teńge) kóleminde memlekettik granttar berilýde.
Memleket basshysynyń tapsyrmasyna sáıkes, qonys aýdarýshylardy turǵyn úımen qamtamasyz etý máseleleri de qarastyrylǵan. 2019 jyldan bastap baǵdarlamaǵa jumys berýshilerdiń qatysýymen qonys aýdarǵan adamdar úshin turǵyn úı salý jáne satyp alýdyń jańa tetigi engizildi. Soltústik Qazaqstan oblysynda pılottyq joba júzege asyrylǵannan keıin qabyldaý mehanızmin basqa aımaqtarǵa da qoldaný josparlanyp otyr. Aldaǵy úsh jylda bul jańa tetik 3000-ǵa jýyq qonys aýdarýshyny turǵyn úımen qamtamasyz etedi.
Taldaý jumystary kórsetkendeı, kóship-qonýshylardyń jartysynan kóbi Pavlodarǵa (31%), Shyǵys Qazaqstanǵa (27%), Soltústik Qazaqstanǵa (22%), Qostanaı oblysyna (16%) qonystanǵan. Olardyń basym bóligi Túrkistan oblysynan (36%), Almatydan (28%), Jambyldan (15%), Qyzylordadan (13,5%), Mańǵystaý oblysynan (2,7%) kóshken. Qonys aýdarýshylardyń 48 % nemese 3 665-i jumys jasyndaǵy jandar. Olardyń ishinde 2020 adam nemese 70% jumyspen qamtyldy. Budan basqa, 180 adam kásipkerlik qyzmetpen shuǵyldanady.
