Syılastyq syry
Beısenbi, 25 qazan 2012 7:19
Bizdiń cheshen halqynan shyqqan álemge tanymal oqymysty, saıasatker, qoǵam qaıratkeri Abdýrahman Avgorhanov – stalındik rejimge qarsy shyqqany úshin búkil ómiri qýǵyn-súrginge ushyrap, shet elge ótip ketýge májbúr bolǵan adam. Sol kisi 1992 jyly Germanııada turyp jatqan qazaqtarmen jolyqqanda dúıim jurttyń aldynda: «Qazaqtardyń bizderden, ıaǵnı kavkazdyqtardan aıyrmashylyǵy – áldeqaıda shydamdy, ustamdy, beıbitshiliksúıgish halyq. Bul ýaqytsha ǵana. Al, eger ultqa nemese olardyń jerine kádimgideı soraqy qaýip tónip turǵan bolsa, osy sátte olardyń boıyn ata-babalarynan sińgen kúreskerlik rýh kernep ketedi.
Beısenbi, 25 qazan 2012 7:19
Bizdiń cheshen halqynan shyqqan álemge tanymal oqymysty, saıasatker, qoǵam qaıratkeri Abdýrahman Avgorhanov – stalındik rejimge qarsy shyqqany úshin búkil ómiri qýǵyn-súrginge ushyrap, shet elge ótip ketýge májbúr bolǵan adam. Sol kisi 1992 jyly Germanııada turyp jatqan qazaqtarmen jolyqqanda dúıim jurttyń aldynda: «Qazaqtardyń bizderden, ıaǵnı kavkazdyqtardan aıyrmashylyǵy – áldeqaıda shydamdy, ustamdy, beıbitshiliksúıgish halyq. Bul ýaqytsha ǵana. Al, eger ultqa nemese olardyń jerine kádimgideı soraqy qaýip tónip turǵan bolsa, osy sátte olardyń boıyn ata-babalarynan sińgen kúreskerlik rýh kernep ketedi. Sóıtip, óz jeri, óz halqy úshin shybyn janyn qııýǵa deıin barady. Muny olar tarıhta áldeneshe ret dáleldedi», dep aıtqan. Bul jerde meniń aıtaıyn dep otyrǵanym, taǵdyrdyń jazýymen qazaq jerine kelip týyp-óskennen keıin osy el adamdarymen týys, dos, baýyr bolyp, jaqsy syılasamyn. Qazaq halqynyń adamı qasıetine bas ıemin. Júrgen ortamda adal, patrıot, kishipeıil bolyp ósýime qazaq baýyrlarymnyń tıgizgen paıdasy zor. Osyndaı adamgershiliktiń bastaýyna aınalǵan qazaqy qundylyqtardy árdaıym oı eleginen ótkizip otyramyn.
Qazaqstan – bizdiń ortaq úıimiz. Mende bir ǵana Otan bar. Ol – Qazaqstan. Jekelegen azamattar sekildi ekinshi otanym degen sóz meniń aýzymnan shyqqan emes. Shyqpaıtynyna da bek senimdimin. Balalarymnyń barlyǵy qazaq tilinde taza sóıleıdi. Bir qyzymnyń dombyra tartatynyn maqtan tutamyn. Bile bilseńiz, bul ulttyq ónerge táý etip, qurmetteý, syılaý, eń bastysy – baǵalap, qadirine jete bilý emes pe?! Negizi, júrek qalaýymen tańdap alǵan mamandyǵym jýrnalıst. Sondyqtan ba eken, áıteýir qazaq tilin jetik bilip, taza sóıleýmen shektelmeı, keıbir ortalarda qazaqtar jurttyń nazaryn ózderine aýdara ózara orys tilinde sóılesip turǵandaryn kórsem, sol adamdarmen áýeli qazaq tilinde amandasamyn. Suńǵyla, mádenıetti jandar bolsa, birden áńgimelerin ana tilinde jalǵastyra qoıady. Muny jeke basymnyń patrıottyǵy dep qana baǵalamaı, memlekettik tildi damytýǵa quddy qarlyǵashtyń qanatymen sý sepkendeı septigimniń tıgeni dep bilemin.
Qoryta aıtqanda, qadirmendi musylman qaýymy, sizderdi ózimniń jáne qandastarym – cheshenderdiń atynan Qurban aıt meıramymen shyn júregimnen quttyqtaımyn.
Atsalım IDIGOV,
Qazaqstan halqy Assambleıasynyń múshesi.
Almaty oblysy.
