«Aýa raıynyń qolaısyzdyǵy (- 35 gradýs) Astana «Nurly jol» - Qyzylorda baǵytyndaǵy №92 jolaýshylar poıyzynyń jáne keri baǵyttaǵy Qyzylorda - Astana baǵytyndaǵy «Nurly jol» №91 jolaýshylar poıyzynyń toqtaýyna sebep boldy», - delingen habarlamada.
Aqparattarǵa sáıkes, №92 jolaýshylar poıyzy Aısa stansasynda toqtap, Qaraǵandy stansasyna qaıta oralýda, onda bılet qunynyń 100%-y qaıtarylady.
«Jolaýshylardy tıisti stansaǵa deıin jetkizý úshin №86 Astana - Saryaǵash poıyzyna 6 qosymsha kýpelik vagon tirkelip, daıyndaldy», - delingen baspasóz habarlamasynda.
Sonymen qatar Qaraǵandy stansasynda toqtatylǵan marshrýttyń bıletterin qaıtarý jáne №86 Astana-Saryaǵash jáne basqa da poıyzdarǵa bılet resimdeý boıynsha jumystar kúsheıtildi.
«Jolaýshylardyń barlyq jaǵdaıy jasalǵan jáne olar tegin tamaqpen qamtamasyz etilgen», - delingen habarlamada.
