−2018-shi jyldyń qorytyndysy boıynsha óńdeýshi ónerkásipte jumys istep turǵan kásiporyndardyń sany 14,7 myńǵa jetti. Jalpy alǵanda ónerkásip boıynsha eńbek ónimdiligi 3,5%-ke, negizgi kapıtaldaǵy ınvestısııalar –27%-ke (2018 jyldyń 12 aıynda – 6,6 trln. teńge) ósti. Indýstrııalandyrý baǵdarlamasyn iske asyrý kezeńinde jalpy quny 7,9 trln teńge bolatyn 1 250-den astam joba iske qosylyp, 120 myń turaqty jumys orny quryldy. Sonymen qatar ótken jyly quny 1,3 trln teńge bolatyn 100 joba iske qosylyp, 13 myńnan astam turaqty jumys orny quryldy. Al bıyl jalpy somasy 1,1 trln teńge bolatyn 120-ǵa jýyq jobany iske qosý josparlanyp otyr. Bul jobalar boıynsha 20 myń turaqty jumys orny qurylady, - dedi Jeńis Qasymbek.
Mınıstrdiń aıtýynsha, byltyr Qazaqstan terrıtorııasy arqyly kóliktiń barlyq túrimen tasymaldanǵan júk tranzıtiniń jalpy kólemi 6 paıyzǵa ósip, 19,2 mln tonnany qurady. Ekonomıka damýyndaǵy negizgi salalar aldaǵy jyly da josparǵa saı qarqynmen damıdy dep kútilýde.
Erkejan AITQAZY,
«Egemen Qazaqstan»
