Sporttyń 40 túrinen 4 jylda bir uıymdastyrylatyn alaman dodaǵa elimizdiń barlyq óńirinen kelgen sportshylar baq synaýda. Jarystyń saltanatty ashylý rásimine Qazaqstan Ulttyq Olımpıada komıteti sport Dıreksııasynyń dırektory Elsııar Qanaǵatov, Qazaqstannyń Eńbek sińirgen sport sheberi, Álem chempıony Dáýlet Turlyhanov jáne Shymkent qalasynyń ákimi Ǵabıdolla Ábdirahymov qatysyp, sportshylarǵa sáttilik tiledi.
«Elbasynyń sport pen dene shynyqtyrýdy damytý jónindegi bastamalary negizinde Shymkent qalasyndaǵy Qajymuxan atyndaǵy ortalyq stadıony FIFA talaptaryna saı tolyqtaı jańartylady. Fýtbol alańynyń kógalyna deıin qaıta tóseledi. Sonymen qatar shaharymyzda alyp sport saraıy salynady. Onda oıyn alańdarymen qatar, boks, kúres zaldary jáne sý basseıni zamanaýı úlgide bolady. Shymkent qalasynyń sportshylary úshin barlyq múmkindikter qarastyrylady», deıdi shahar basshysy.
5 aqpan kúni grek-rım kúresinen bastaý alǵan tartysty básekede balýandar myqtytylyǵyn kórsetýde. Jarys kúninde sharshy alań tórine shyqqan balýandar 5 salmaq dárejesi boıynsha chempıondyqqa talasty. Alań ıeleri sapynda 55 keli salmaq dárejesinde Rahymjan Rsalıev, 60 kelide Rınat Baltashev, Nursultan Qalmurzaev, 72 kelide Jahor Gýchıgov, Magomet Chýhalov, 77 kelide Ashat Jańbyrov, Ilındar Sataev , 97 kelide Álimhan Syzdyhov, Lors Desıevter beldesip, ózara kim myqtyny anyqtaýda. Boz kilem ústindegi beldesýdi dańqty balýan, FILA múshesi Daýlet Turlyhanov baqylap, qazylyq etti.
Esterińizge salar bolsaq, búgin saǵat 16:00-de Shymqalada ótip jatqan kúresten Qazaqstan Respýblıkasy 5-shi Spartakıadasynyń fınaldyq kezdesýleri bolady.
Nurshat TО́KEN,
«Egemen Qazaqstan»
Shymkent
