Klımattyń ózgerýine qarsy kúreste ósimdikter mańyzdy ról atqarady. Olar kómirqyshqyl gazyn sińirip, ony japyraqtar men butaqtarǵa aınaldyrady. Adamdar qanshalyqty kóp aǵash otyrǵyzsa, soǵurlym aýada jylýdy ustap turatyn SO2 azaıa túsedi. О́kinishke qaraı, ósimdikter sý men jerdi úlken kólemde qajet etetindikten adamdardyń aýany tazartýdyń ózge alternatıvalaryn izdeýine týra keledi.
Nemis ǵalymdarynyń jańa zertteýler toptamasyna súıensek, bul máselede bizge jasandy fotosıntez kómektesedi. Olardyń aıtýynsha, dál qazirgi ýaqytta bul tehnologııa tájirıbe júzinde qoldaný úshin tym qymbat, biraq ınvestısııa quıýǵa turarlyq bastama bolmaq.
Jasandy fotosıntez ósimdikterdi qorektendirýdi dál tabıǵı qalypta júzege asyrady. Bul tehnologııa da tabıǵı júıe sııaqty kómirqyshqyl gazy men sýdy qorek retinde, al Kún sáýlesin energııa kózi retinde paıdalanady. Biraq olardan butaqtar men japyraqtardy emes, spırt sııaqty kómirtekke baı ónimderdi bólip shyǵarady.
«Onyń ereksheligi, biz júıeniń tıimdiligin arttyratyn organıkalyq emes materıaldardy qoldanamyz», - deıdi Gelmgols atyndaǵy Berlındegi materıaldar men energııa ortalyǵynyń fızıgi jáne Earth System Dynamics jýrnalynda jarııalanǵan zertteý avtorlarynyń biri Mattıas Maı.
Onyń aıtýynsha, jasandy fotosıntezdiń áseri tabıǵıdan da tıimdi.
«Jasandy fotosıntezben aınalysatyn ǵalymdar Kún sáýlesi men kómirqyshqyl gazynyń kómegimen alynatyn suıyq otynǵa basty nazar aýdarǵan. Ony jaǵý kezinde jınalǵan gaz aýaǵa oralady, másele osynda», - deıdi fızık.
Maı jáne onyń áriptesteri usynǵan júıede SO2-ni jer astyna «kómý» qarastyrylǵan.
