Eýrazııalyq ıntegrasııa – álemdik qıyndyqtarǵa qarsy qamal
Senbi, 22 qyrkúıek 2012 7:27
Bul bastamanyń TMD keńistigindegi ıntegrasııalyq úderister úshin serpin bergenin kórmeýge bolmaıdy. Odan keıingi jyldary ol Ujymdyq qaýipsizdik sharty uıymy, Eýrazııalyq ekonomıkalyq qaýymdastyq, Qazaqstan, Belarýs jáne Reseıdiń Keden odaǵy sııaqty birqatar tabysty memleketaralyq qurylymdardy qurýda satylap ómirge enip keledi.
Nursultan NAZARBAEV.
Senbi, 22 qyrkúıek 2012 7:27
Bul bastamanyń TMD keńistigindegi ıntegrasııalyq úderister úshin serpin bergenin kórmeýge bolmaıdy. Odan keıingi jyldary ol Ujymdyq qaýipsizdik sharty uıymy, Eýrazııalyq ekonomıkalyq qaýymdastyq, Qazaqstan, Belarýs jáne Reseıdiń Keden odaǵy sııaqty birqatar tabysty memleketaralyq qurylymdardy qurýda satylap ómirge enip keledi.
Nursultan NAZARBAEV.
Álem qazir qym-qýyt oqıǵalarǵa toly. Daǵdarys pen qylmys, esirtki saýdasy men dinı aǵymdardyń lańy nebir «men» degen eńseli elderdiń ózin esinen adastyrar halge túsirdi. Mundaı keleńsizdiktermen kúresý birneshe memleketterdi ózara múdde birligine, sol arqyly kúsh birligine alyp keldi. Ekonomıkalyq tutastyq – álemdi teńseltken túrli alapattardan saqtanýdyń birden-bir joly.
Qazaqstan Respýblıkasynyń Prezıdenti N.Nazarbaev TMD keńistiginde jańa ıntegrasııalyq joba – Eýrazııalyq odaq qurý ıdeıasyn 1994 jyly-aq usyndy. Bul tekten-tekke aıtylǵan oı emes, ishki áleýeti endi ǵana artyp kele jatqan Qazaqstan álemdi sharpyǵan qıyndyqtarǵa qarsy turyp, tótep berýge qabiletti bolýy kerek edi. Qıyndyqtar Qazaqstandy aınalyp ótetinine eshkim kepildik bere almaıtyn. Sondyqtan, bizge ne nárseniń de aldyn alý, qamdaný qajet edi. Birtutas ekonomıkalyq keńistik – memleketterdiń Eýrazııalyq odaǵy osy maqsattardyń nátıjesi.
El ómiriniń damýyna kóz jibersek, Ujymdyq qaýipsizdik Sharty uıymy, Eýrazııalyq ekonomıkalyq qaýymdastyq sekildi memleketaralyq qurylymdar satylary qalanǵan keńistik bizdi Keden odaǵyna alyp keldi. Arnaıy Keden kodeksi ázirlenip, Keden komıssııasy qurylǵan Odaq, basqany aıtpaǵanda, Reseı, Belarýs jáne Qazaqstan arasyndaǵy taýar aınalymyn arttyryp, kedendik baqylaýdy joıdy.
Eýrazııalyq odaqtyń aldyna qoıǵan maqsaty – táýelsiz Qazaqstannyń áriptes memlekettermen múdde biriktirip, qol ustasyp, álemdik qıyndyq-qyspaqtardan ári ótýi. Maqsat ta, múdde de – osy.
Muhanbet JÚNBASOV,
«Nur Otan» HDP Mańǵystaý oblystyq
fılıaly tóraǵasynyń orynbasary.
AQTAÝ.
