Oqıǵa bolǵan jerge kompanııa basshylyǵymen birge Bórli aýdanynyń ákimi Sanjar Álıev, aýdan prokýrory, eńbek ınspektory, aýdandyq polısııa bóliminiń basshysy barǵan. Jumysshylarmen kezdesýge Bórli aýdanynyń ákimi de attanǵan.
- Bul bir kompanııanyń óz ishindegi, jumys berýshi men jumysshylardyń ózara kelispeýshiliginen bolǵan narazylyq. Eki jaq kezdesip, máseleni talqylap, ortaq pikirge kelgennen keıin jumysshylar tarap ketti, - deıdi Bórli aýdanynyń ákimi Alpamys Kóshkinbaev.
Aýdan prokýrory jumysshylarǵa ujymdyq aryz jazyp, talaptaryn bekitilgen zańnamaǵa saı bildirýdi usynǵan.
«Kompanııanyń eńbek sharty boıynsha biliktilikten ótpegen jumysshynyń jalaqysy – 160 myń teńge. Al tómen jáne orta bilikti jumysshylar 28/14 kún vahtalyq ádispen jumys istese, 230-250 myń teńge jalaqy alady» dep málimdegen «KKS-SICIM» JShS-nyń atqarýshy dırektory Altyn Kýlbaeva.
Qazbek QUTTYMURATULY,
«Egemen Qazaqstan»
Batys Qazaqstan
