Densaýlyq poıyzdary el ıgiligine qyzmet etedi

Juma, 3 aqpan 2012 7:17

Tótenshe jaǵdaılar mınıstrliginiń «Apattar medısınasy temir jol gospıtaldary» AQ basqarma tóraǵasy Serik DANBAEVPEN áńgime
– Serik Uǵanuly, osy kún­deri qalyń qaýym medı­sı­na­lyq poıyzdardyń jasaq­tal­ǵan­dyǵynan, olardyń jurt­shy­lyqtyń densaýlyǵyn tekserýge naqty kómek kórsetip júrgendiginen habardar. Bul poıyzdardy jasaqtaýǵa nendeı jaǵdaı sebep boldy jáne onyń atqaratyn qyzmetiniń aýqymy qandaı?

Juma, 3 aqpan 2012 7:17

Tótenshe jaǵdaılar mınıstrliginiń «Apattar medısınasy temir jol gospıtaldary» AQ basqarma tóraǵasy Serik DANBAEVPEN áńgime
– Serik Uǵanuly, osy kún­deri qalyń qaýym medı­sı­na­lyq poıyzdardyń jasaq­tal­ǵan­dyǵynan, olardyń jurt­shy­lyqtyń densaýlyǵyn tekserýge naqty kómek kórsetip júrgendiginen habardar. Bul poıyzdardy jasaqtaýǵa nendeı jaǵdaı sebep boldy jáne onyń atqaratyn qyzmetiniń aýqymy qandaı?

– Memleket basshysy N.Á. Na­zarbaev óziniń 2011 jylǵy «Bo­lashaqtyń irgesin birge qalaı­myz» atty Qazaqstan halqyna Joldaýynda «Qazaq­stan úshin kóliktik medısına óte kókeı­kes­ti, sondyqtan biz ony damyta­tyn bolamyz» degen edi. Osy maqsatta elimizde qazaq­stan­dyq­tardyń ıgiligi úshin úsh medı­sı­nalyq poıyz qurylyp, búginde jemisti jumys isteýde.
Bul medısınalyq poıyzdar eki áleýmettik mańyzdy mindetterdi sheshýge kómektesedi: eli­miz­diń shalǵaı óńirleriniń tur­ǵyndaryna medısınalyq qyz­met kórsetýdiń qol jetimdi bo­lýyn qamtamasyz etýmen qatar, evakýasııalaý múmkindigine oraı iri kólemdegi tótenshe jaǵ­daı­larda zardap shekkenderge medı­sınalyq járdem kórsetedi.
Jobany damytý 2010 jyl­dyń shilde aıynda «Densaýlyq» emdeý dıagnostıkalyq poıyzy­nan bastaldy. Bundaı aýmaqty áleýmettik joba «Nur Otan» halyqtyq-demokratııalyq par­tııa­sy­nyń qoldaýymen Tó­tenshe jaǵdaılar mınıstrligi jáne «Qazaqstan temir joly» UK» AQ arasynda jasalǵan me­mo­ran­dýmǵa sáıkes iske asy­ryldy.
2010 jyldyń qorytyndysy boıynsha «Densaýlyq» medı­sı­nalyq poıyzy «2010 jylǵy jyl­dyń №1 áleýmettik jaýap­ty jobasy» nomınasııasy boı­yn­sha «Jyl tańdaýy» ulttyq baıqaýynda jáne «Jyldyń úzdik áleýmettik jobasy» nomı­na­sııasy boıynsha bıznestiń áleýmettik jaýapkershiligi jó­nin­degi «Paryz» baıqaýynda júldeger atandy.
Shalǵaıdaǵy shaǵyn stansalar men beketterdiń jáne olarǵa taıaý ornalasqan eldi meken­der­diń mamandandyrylǵan medısı­na­l­yq járdemge muqtajdyǵy, emdeý-dıagnostıkalyq járdem­di qajet etetin jurtshylyqtyń kóptigi óz jumysyn 2011 jyly bastaǵan ekinshi medısınalyq «Járdem» poıyzyn shyǵarýǵa sebep boldy.
– Medısınalyq poıyzdar­dyń sany úsheý degen edińiz.
– Durys aıtasyz. Memleket basshysy N.Á.Nazarbaevtyń «Bo­la­shaqtyń irgesin birge qalaı­myz» atty Qazaqstan halqyna arnaǵan Joldaýynda bergen tap­syrmany oryndaýda jáne Qa­zaqstan Respýblıkasynda den­­saý­lyq saqtaý salasyn damy­týdyń 2011-2015 jyldarǵa ar­nal­ǵan «Salamatty Qazaqstan» memlekettik baǵdarlamasy aıa­synda «Nur Otan» halyqtyq-demokratııalyq partııasynyń bas­tamasymen Tótenshe jaǵ­daılar mınıstrligi «Qazaqstan temir joly» UK» AQ jáne Densaýlyq saqtaý mınıstrligimen birge «Salamatty Qazaq­stan» úshinshi medısınalyq poıyzyn da ótken jyly jolǵa shyǵarǵan bolatyn.
Medısınalyq úsh poıyzdyń ekinshi jartyjyldyqtaǵy jumy­sy Qazaqstan Respýblıkasynyń 20 jyldyǵyna jáne «Nur Otan» halyqtyq-demokratııalyq partııa­synyń bastamasymen ótkiziletin «Táýelsizdiktiń jıyrma belesi» aksııasyna arnaldy.
Poıyz vagondarynyń tehnıka­lyq múmkindigi halyqqa emdeý-  dıagnostıkalyq sharalaryn júr­gi­zýge, ambýlatorlyq shaǵyn operasııalar jasaýǵa jáne stoma­to­lo­gııalyq járdemdi keń kólemde kórsetýge múmkindik beretin san­dyq zerthanalyq, rentgen­dıagnos­tıkalyq, ýltradybystyq, endos­kopııalyq, elektroınstrýmental­dy medısınalyq qondyrǵylarmen jabdyqtalǵan.
«Salamatty Qazaqstan» úshin­shi medısınalyq poıyzy alǵash ret TMD jáne alys shetelderdiń, respýblıkamyzdyń jetekshi ǵy­ly­mı medısınalyq ortalyqtary­men (shalǵaı stansalar men beketterdegi naýqastardy emdeý bary­synda) on-line rejimde konferensııa ótkizýge, konsılıým jasaýǵa, keńes berýge múmkindik beretin telekommýnıkasııa quraldarymen jab­dyqtalǵan.
Medısınalyq poıyzdardy qurý úshin «Qazaqstan temir joly» ulttyq kompanııasy jolaýshylar vagondaryn bóldi. Qarapaıym jolaýshylar vagondarynan me­dı­sı­nalyq vagondar jasap shy­ǵarý­dy «Almaty vagon jóndeý zaýy­ty» AQ júzege asyrdy.
TJM «Apattar medısınasy temir jol gospıtaldary» aksıonerlik qoǵamynyń úzdiksiz jáne sapaly jumys isteýi úshin poıyz shtatyn biliktiligi joǵary mamandarmen (18 dáriger mamandyǵy boıynsha) jasaqtaý, dári-dármek­termen qamtamasyz etý júrgizildi.
– Bul poıyzdar tótenshe jaǵdaılarda zardap shekkenderge de járdemdesedi dep estip edik.
– Onyńyz ras, poıyzdar tabı­ǵı jáne tehnogendik sıpattaǵy tótenshe jaǵdaılarda zardap shekkenderge medısınalyq járdem kórsetedi jáne zardap shekkenderdi evakýasııalaıdy. Poıyzdar TJ oshaǵyna tezirek jetý úshin «Qa­zaqstan temir joly» Ulttyq kom­panııasy» AQ ony «jasyl dáliz­ben» qamtamasyz etedi.
– Osyndaı aýqymdy joba búginde óz nátıjesin berdi me?
– Eki jylǵa tolmaıtyn merzimde úsh keńestik-dıagnostıkalyq poıyzdyń mamandarymen respýb­lıkamyzdyń barlyq oblystary­nyń 212 stansasynyń jáne olarǵa irgeles jatqan aýyldardyń 84 114 turǵynyna, sonymen qatar 26 510 balaǵa medısınalyq jár­dem kórsetildi. Dárigerlerge kelýshiler sany 382 087 adamdy qurady. 222 998 dıagnos­tı­ka­lyq, sonymen qatar 63 188 ýltradybystyq jáne basqa da tolyp jatqan medısınalyq zertteýler júrgizildi. Onyń bárin shaǵyn maqala aıasynda ejiktep aıtyp jatpaı-aq, 794 shaǵyn ambýlatorlyq operasııalar jasaǵanyna ǵana toqtalsam deımin.
Júrgizilgen jumys nátıje­sinde poıyz mamandarymen 142 230 aýrý túri tirkeldi, onyń 17 754-i balalar naýqasy bolyp shyqty. Sondaı-aq 2 272 isik anyq­taldy. Aldyn ala týberkýlez dıagnozy 91 adamǵa qoıyl­dy.
Emdelýshiler bilikti medı­sı­nalyq kómek alý jáne tekserýden ótýmen qatar medısınalyq poıyzdardyń baǵyty boıynsha uıymdastyrylǵan «Nur Otan» HDP qoǵamdyq bólimderiniń áleýmettik qorǵaý salasyndaǵy mamandarynyń keńesine jú­ginýge múmkindik aldy.
Taǵy bir aıta ketetin jáıt, poıyzdyń telemedısınalyq or­ta­lyǵy arqyly on-line rejiminde poıyzdyń dárigerleri «Ana men bala ulttyq ǵylymı orta­lyǵy» AQ professory T.Úki­basova jáne «Astana medısı­nalyq ýnıversıteti» AQ akýsherlik jáne gınekologııa kafe­dra­synyń meńgerýshisi, professor G.Ahmedıanovamen baıla­nysyp, jatyrdan qan ketý dertimen qınalyp júrgen Aqmola oblysy, Adyr stansasynyń turǵynyna konsılıým seansyn júrgizdi. Telemedısınalyq konsılıým dıagnozdy naqtylaýǵa, qan ketý sebepterin anyqtaýǵa, emdeý taktıkasyn túzeýge jáne pasıentti odan ári «Ana men bala ulttyq ǵylymı ortaly­ǵynda» operatıvti emdeý týraly máseleni sheshýge múmkindik berdi.
– Jergilikti turǵyndar mun­daı medısınalyq poıyz­dar­dyń eldi mekenge qashan keletinin bilmeı, qapy qalyp jatqan joq pa?
– Baǵyt boıynsha ornalas­qan stansalar men aýyldyq ok­rýgterdiń turǵyndaryna poıyz­dyń jumys kestesi aldyn ala habarlanady, osynyń arqasyn­da medısınalyq járdem kórse­tý, sonymen qatar, aımaqtarda áleýmettik-mádenıettik shara­lar­dy ótkizý naqty uıymdas­tyrylady. Osyndaı qamqor­lyq­qa rıza bolǵan shalǵaı eldi mekenderdiń, shaǵyn beket tur­ǵyndarynyń Qazaqstan Prezıdenti Nursultan Ábishuly Na­zar­baevqa, Tótenshe jaǵdaılar mınıstrliginiń jáne «Qazaqstan temir joly» UK» AQ basshy­lyǵyna, sondaı-aq jobaǵa qa­tysýshy medısına qyzmetker­lerine aıtar alǵysy sheksiz.
– Bul joba aldaǵy ýa­qyt­ta da jalǵasa ma?
– Álbette. Qańtardan bastap medısınalyq poıyzdar Qazaq­stan boıynsha saparǵa shyqty. Olardyń maqsaty ózgermeıdi – ol halyqty dıagnostıkalaý jáne emdeý.
– Áńgimeńizge rahmet.
Áńgimelesken Jumagúl QÝANYShBEKQYZY.