Qazaqstan armııasy shetel sarapshysynyń nazarynda
Sársenbi, 15 aqpan 2012 7:45
Prezıdent Nursultan Ábishuly Nazarbaev árbir memleket ekonomıkalyq, saıası jáne áskerı áleýetpen qamtamasyz etilgende ǵana naǵyz egemendi el bolyp sanalatyndyǵy jónindegi oıyn dál ári anyq aıtty.
Kez kelgen eldiń armııasy, qarýly kúshteri táýelsizdikti, memlekettilikti jáne konstıtýsııalyq qurylymdy qorǵaýdaǵy negizgi tirek bolyp tabylady. Qazaqstan armııasy – Táýelsizdiktiń qurdasy jáne óz elimen birge qıynshylyqtardan ótip, damý jolynda mańyzdy nátıjeler men joǵary kórsetkishterge jetkendigin sheteldik mamandar da baǵalady.
Sársenbi, 15 aqpan 2012 7:45
Prezıdent Nursultan Ábishuly Nazarbaev árbir memleket ekonomıkalyq, saıası jáne áskerı áleýetpen qamtamasyz etilgende ǵana naǵyz egemendi el bolyp sanalatyndyǵy jónindegi oıyn dál ári anyq aıtty.
Kez kelgen eldiń armııasy, qarýly kúshteri táýelsizdikti, memlekettilikti jáne konstıtýsııalyq qurylymdy qorǵaýdaǵy negizgi tirek bolyp tabylady. Qazaqstan armııasy – Táýelsizdiktiń qurdasy jáne óz elimen birge qıynshylyqtardan ótip, damý jolynda mańyzdy nátıjeler men joǵary kórsetkishterge jetkendigin sheteldik mamandar da baǵalady.
Syrtqy saıasat máseleleri jónindegi jetekshi AQSh sarapshylarynyń biri Stıven Sestanovıch (Reseı men burynǵy KSRO elderi máselelerine mashyqtanǵan maman) Qazaqstan armııasynyń keleshegi jóninde óz oıyn aıtty. Onyń pikirinshe, qaýipsizdik salasyndaǵy «kóp vektorly» saıasat arqasynda Qazaqstan asa qýatty ári qaýqarly qarýly kúshteri bar elge aınalady.
«Qazaqstan Qarýly Kúshteri tolyǵymen Keńes Odaǵynan qalǵan muradan qalyptasty. Al keleshekte ol óz sıpatyn ózgertedi. Bul – «kóp vektorly» jol bolmaq. Qazaqstan bul jolǵa birtindep asa sheberlikpen jetedi. Meniń boljamym boıynsha, 20 jyldan keıin, sizderde aıtarlyqtaı kólemi ósken, jańa seriktesterdi qamtyǵan, erekshe kórinistegi qorǵanys qurylymy bolady», – dedi amerıkalyq sarapshy jýyqta Vashıngtonda bolǵan halyqaralyq konferensııada.
Sondaı-aq bylaı dedi: «Sońǵy bes jyl ishinde Qazaqstannyń áskerı bıýdjeti de joǵary qarqynmen ósýde. Osy jáıt konferensııalarda kóp aıtylmaıdy, alaıda bul óte mańyzdy bolyp tabylady».
Sarapshynyń sózine qaraǵanda, sońǵy 20 jyl kóleminde Qazaqstan egemendigi men táýelsizdigin nyǵaıtý kezinde qaýipsizdik máselelerin sheshýde «tótenshe sheberlikpen» asa úlken jetistikterge jetti. Sonymen birge, ol keleshekte Qazaqstan áskerı máselede de aıtarlyqtaı derbestikke qol jetkize alatyndyǵyn jasyrmaıdy. Shamasy, osy sebepti Qazaqstan bir jarym jyl buryn Ońtústik Koreıa, Izraıl, AQSh, Úndistan, Reseı jáne Qytaı kompanııalarynyń qatysýymen birinshi qorǵanys ónerkásibiniń kórmesin ótkizgendigin de sarapshy eske saldy.
Keler urpaq ómirinde Qazaqstan joǵary tehnologııaly tehnıkany atalǵan elderden abaılap satyp alady jáne ol oǵan kiristi de, sonyń ishinde elektronıkany Ońtústik Koreıa men Izraılden alady, – dep qosty ol.
Sestanovıch eske salǵan Qazaqstandaǵy qorǵanys ónerkásibiniń kórmesi – bul «KADEX-2010» birinshi halyqaralyq qarý-jaraq jáne áskerı-tehnıkalyq múlik kórmesi. Ol Astanada 2010 jylǵy 26-29 mamyrda ótti jáne oǵan álemniń 20 elinen 200-den asa kompanııa qatysty.
Bıyl mamyr aıynda Qazaqstan «KADEX-2012» ekinshi halyqaralyq qarý-jaraq jáne áskerı-tehnıkalyq múlik kórmesin ótkizedi.
Júnis OMAR, QR QM baspasóz qyzmetiniń ókili.
